МІНСК, 15 лют —Sputnik. Шакалад пад брэндам "Прэзідэнт" з'явіўся ў продажы ў беларускіх крамах, паведамілі ў сераду Sputnik у адной з фірмовых крамаў кандытарскай фабрыкі "Камунарка".
Пра з'яўленне "прэзідэнцкага" шакаладу амаль два тыдні таму казаў асабіста Аляксандр Лукашэнка. Кіраўнік дзяржавы ў ходзе "Вялікай размовы" паабяцаў, што "прэзідэнцкі шакалад", які не ўтрымлівае цукру, хутка з'явіцца ў продажы.
"Так, у нас прадаецца шакалад "Прэзідэнт". Кошт — 2,29 за плітку ў 90 грамаў. Цукру ў ім наогул няма, змест какава — 72%", — паведамілі Sputnik ў краме.
Суразмоўцы агенцтва не ўдакладнілі, ці высокі пакупніцкі попыт на "прэзадэнцкі" дэсерт.
На сайце "Камунаркі" інфармацыя аб з'яўленні пліткі "Прэзідэнта" яшчэ не з'явілася, аднак паведамляецца, што ў афармленні ўпакоўкі "Прэзідэнта" выкарыстаны нацыянальны арнамент і віды Палаца Незалежнасці ў Мінску.
