МІНСК, 18 лют — Sputnik. Моцны вецер чакаецца ў Беларусі ў нядзелю 19 лютага, абвешчаны аранжавы ўзровень небяспекі, паведамілі Sputnik у суботу ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі распавялі, што маразоў у Беларусі да канца зімы не чакаецца — апошняя дэкада лютага будзе па-вясноваму цёплай.
"Удзень у нядзелю 19 лютага па поўначы рэспублікі чакаецца ўзмацненне паўднёва-заходняга ветру парывамі да 15-18 метраў у секунду", — паведамілі ў Гідрамеце.
Там таксама паведамілі, што ў сувязі з неспрыяльнымі ўмовамі надвор'я аб'яўлены перадапошні — аранжавы — узровень небяспекі.
Па дадзеных Гідрамета, моцны вецер будзе і ў панядзелак 20 лютага, а таксама аўторак 21-га.
