МІНСК, 20 лют — Sputnik. Кіраўнік Назіральнага савета хакейнага клуба "Дынама-Мінск" Ігар Шуневіч абяцаў, што кіраўніцтва "зуброў" заахвоціць трэнераў і ігракоў за выхад у плэй-оф Кубка Гагарына, паведамілі Sputnik ў прэс-службе "бела-сініх".
Нагадаем, што хакейны клуб "Дынама-Мінск" завяршыў выступленне ў рэгулярным чэмпіянаце Кантынентальнай хакейнай лігі (КХЛ) і з пятага месца Заходняй канферэнцыі выйшаў у плэй-оф Кубка Гагарына.
У 60 матчах "рэгуляркі" мінчане набралі 105 ачкоў — рэкорд для "зуброў" за ўсю гісторыю выступлення каманды ў КХЛ. У чэмпіянаце мінчане забілі 171 шайбу і прапусцілі 150. Сталічная дружына ў чацвёрты раз выйшла ў накаўт-раўнд і пазмагаецца за Кубак Гагарына з іншымі наймацнейшымі клубамі Лігі.
21 лютага мінчане правядуць першы паядынак у серыі да чатырох перамог у плэй-оф Кубка Гагарына супраць яраслаўскага "Лакаматыва".
Напярэдадні ад'езду Шуневіч сустрэўся з "дынамаўцамі". "Старшыня Назіральнага савета яшчэ раз запэўніў, што клуб безумоўна выканае ўсе ўзятыя на сябе абавязацельствы і адшукае магчымасць заахвоціць трэнерскі штаб і ігракоў за выкананне задачы на сезон", — распавялі ў клубе.
Шуневіч таксама падзякаваў каманду за паспяховы выступ у рэгулярным чэмпіянаце КХЛ.
Кіраўнік Назіральнага савета выказаў надзею, што ў накаўт-раўндзе мінчане таксама пакажуць годны вынік.
