Сярод 92 удзельнікаў праекту "Ты супер!" на НТБ — дзве прадстаўніцы Беларусі Дар'я Чарнова і Анастасія Краўчэня. Выступленне Насці можна будзе ўбачыць у наступных шоу, а магчымасць паперажываць за Дашу прадставіцца ўжо ў гэтую суботу 25 лютага ў 20:00 на НТБ і інтэрнэт-партале Sputnik Беларусь.
Гледачы могуць аддаць свой голас у падтрымку Дар'і Чарновай і Анастасіі Краўчэні на старонцы конкурсу "Ты супер!" на сайце тэлеканала НТБ, а таксама пры дапамозе мабільнага прыкладання, якое можна бясплатна загрузіць у крамах App Store і Google Play.
Чытачы Sputnik таксама могуць патрымаць беларускіх удзельніц конкурсу "Ты супер!", даслаўшы свае відэа-пажаданні ў рэдакцыю Sputnik Беларусь або размясціўшы іх у асабістых акаўнтах у сацыяльных сетках з хэштэгам #ДашаТыСупер! і #НастяТыСупер! Лепшыя відэа будуць апублікаваныя на афіцыйнай старонцы Sputnik Беларусь у Facebook.
На працягу ўсяго праекта "Ты супер!" з яго ўдзельнікамі працуюць прафесійныя псіхолагі і педагогі. Псіхолаг праекта "Ты супер!" Надзея Уфельман распавяла пра тое, што займаецца рэаліці-праектамі шмат гадоў, але дзіцячы вакальны конкурс "Ты супер!" стаў для яе сапраўдным адкрыццём.
"Шмат у каго можа скласціся ўражанне, што ўдзельнікі праекта ўразлівыя і лёгка ранімыя ў многіх галінах жыцця, але гэта не так. Яны таварыскія, актыўныя, яркія і цікавыя. Акрамя гэтага, я хацела б падкрэсліць, што падобнага вопыту на нашым тэлебачанні яшчэ не было", — сказала псіхолаг.
Надзея Уфельман адзначыла ўнікальнасьць праекта, у якім прымаюць удзел дзеці з розных краін, а гэта накладвае адбітак на моўныя зносіны.
"Дзеці выдатна спраўляюцца з гэтай задачай. Яны лёгка пераадольваюць моўны бар'ер. Тое, што для дарослага чалавека з'яўляецца дастаткова складанай перашкодай для камунікацыі, для дзяцей ператвараецца ў элемент гульні", — распавяла псіхолаг.
Паводле слоў спецыяліста, на працягу ўсяго праекта многія ўдзельнікі маюць патрэбу ў псіхакарэкцыйнай і матывацыйнай працы. Перад выступам ім неабходна настроіцца і максімальна паспяхова прадэманстраваць свае таленты. Таму да кожнага дзіцяці важна знайсці індывідуальны падыход для найбольшага раскрыцця яго творчага патэнцыялу.
Праект "Ты супер!" тэлеканала НТБ i міжнароднага інфармацыйнага агенцтва і радыё Sputnik дае шанец таленавітым дзецям, якія апынуліся без апекі бацькоў, заявіць пра сябе. Яго ўдзельнікі — 92 вакаліста з Расіі, Азербайджана, Арменіі, Беларусі, Грузіі, Казахстана, Кыргызстана, Малдовы, Украіны, Эстоніі.
Гутарку з псіхолагам праекта "Ты супер!" Надзеяй Уфельман слухайце на радыё Sputnik Беларусь.
