Naviband зрабілі да "Еўрабачання" фотасесію з Бібліяй Скарыны

© Photo : Naviband Фотасэт Naviband
Фотасэт Naviband - Sputnik Беларусь
Падпісацца
Пад час здымак музыкі амаль сотню раз выканалі сваю конкурсную песню - "Гісторыя майго жыцця", якая дапамагала стварыць патрэбны настрой.

МІНСК, 28 лют — Sputnik. Беларускі гурт Naviband зрабіў фотасесію да "Еўрабачання-2017" з копіяй Бібліі першадрукара Францыска Скарыны, паведаміў Sputnik піяр-менеджэр калектыву Сяргей Андрыянаў.

Naviband былі абраныя прадстаўнікамі Беларусі на "Еўрабачанне-2017", якое пройдзе ў траўні ў Кіеве. Падрыхтоўка да конкурсу ў музыкаў ідзе поўным ходам — у панядзелак яны правялі фотасесію, здымкі з якой будуць выкарыстоўвацца для афармлення прома-буклетаў і іншай прадукцыі на самім шоу.

Белгазпрамбанк вярнуў Беларусі кнігу першую кнігу Францыска Скарыны - Sputnik Беларусь
Белгазпрамбанк вярнуў Беларусі кнігу Францыска Скарыны

"Артысты атрымалі магчымасць трымаць у руках рэдкі асобнік выдання, які з'яўляецца копіяй Бібліі Скарыны на царкоўна-славянскай мове ў беларускай рэдакцыі. Біблія была дастаўлена ў фотастудыю ў Мінску з Нацыянальнай бібліятэкі Беларусі. Трымаць у руках рэдкі асобнік музыкам дазволілі ўсяго некалькі хвілін", — распавёў Андрыянаў.

Праводзілі здымку вядомыя беларускія фатографы Яўген Канаплёў і Юлія Лейдзік — іх задачай было не толькі стварыць пастановачныя здымкі Naviband з рэдкай кнігай, але і зафіксаваць эмоцыі музыкаў.

"Фанаты Еўрабачання нас ужо ахрысцілі пасламі беларускай культуры і мовы на конкурсе. Нам падабаецца такі статус. Тым больш, што ў гэтым годзе нашай нацыі спаўняецца 800 гадоў. Гісторык Адам Мальдзіс знайшоў такі дакумент, у якім упершыню (на сённяшні дзень) згадваецца этнонім" беларус ", у 1217 годзе", — распавялі самі ўдзельнікі Naviband.

Група Navi на адборы на конкурс Еўрабачанне-2017 - Sputnik Беларусь
Navi Band: мова становіцца трэндам

Для фотасэту, які прайшоў у заснаваным кіеўскім князем Уладзімірам горадзе Заслаўі, вобразы распрацоўваў стыліст Сяргей Вярынскі — ён стварыў сучасныя касцюмы з беларускімі арнаментамі. Рыхтуе Вярынскі і вобразы для Арцёма Лук'яненка і Ксеніі Жук і на само "Еўрабачанне".

Абяцаюць музыкі завяршыць і аранжыроўку песні "Гісторыя майго жыцця" — яе фінальную версію можна будзе пачуць ужо да канца тыдня.

Стужка навiн
0