МІНСК, 1 сак — Sputnik. "Белпошта" прадставіла кліентам новую ўпакоўку для паштовых адпраўленняў з эка-матэрыялу і з нацыянальным арнаментам.
Як паведамляецца на сайце прадмпрыемства, на навінках паштовай тары нанесеныя адны з самых распаўсюджаных элементаў беларускага арнаменту — "зорка" або "сонца" і "вясновая зямля", якія сімвалізуюць світанак і маладосць. Таксама ў элементах дэкору пасылачных упаковак прысутнічае сегмент арнаменту нацыянальнага сцяга Рэспублікі Беларусь. У яго аснове ляжыць узор "узыходзячае сонца", які сімвалізуе дабрабыт і багацце, а цэнтральны ромб, намаляваны на арнаменце, пазначае пажаданне спрыяльнага развіцця падзей, яго называюць "ключом да шчасця".
Таксама на ўпакоўку нанесены лагатып "Белпошты", яе дызайн створаны спецыялістамі прадпрыемства.
Навінкі паштовай тары прадстаўленыя ў 5-ці самых запатрабаваных кліентамі "Белпошта" памерах: ад маленькага (165х115х50) да вялікага (600х320х230). Скрынкі выкананы з трывалага кардона, які дазволіць максімальна выключыць іх пашкоджанне пры транспартаванні.
