Для падрыхтоўкі фарбаў для яек на Вялікдзень неабходныя два буракі, палова качана чырвонакачаннай капусты, дзве сталовыя лыжкі шафрана і апельсінавай лупіны, 200 грамаў лісця шпінату, паўшклянкі перагародак грэцкага арэха і 50 грамаў цыбулевай шалупіны, перадае Sputnik Грузія.
"Бурак дае ярка-чырвоны колер, чырвонакачанная капуста — сіні, шафран і апельсінавая лупіна — жоўты, лісце шпінату — зялёны, арэхавыя перагародкі — карычневы, а цыбулевая шалупіна — залацісты", — сказала кулінар.
Яна адзначыла, што ўсе інгрэдыенты неабходна размеркаваць па розных ёмістасцях, заліць літрам вады, куды трэба дадаць чайную лыжку воцату, і варыць на працягу паўгадзіны.
Для атрымання чыстага колеру спецыяліст параіла працадзіць змесціва кожнай ёмістасці і скласці туды яйкі. Кіпяціць трэба ад 20 хвілін да паўгадзіны. Пасля таго, як ёмістасць з яйкамі закіпіць, трэба зняць яе з агню і пакінуць яйкі ў фарбе на некалькі гадзін. Па словах кулінара, чым даўжэй яйкі будуць у фарбе — тым цямней атрымаюцца.
