МІНСК, 21 кра — Sputnik. Вярхоўны суд РФ прызнаў арганізацыю "Кіруючы цэнтр Сведак Іеговы" экстрэмісцкай і забараніў яе дзейнасць у Расіі.
Пасяджэнне з нагоды "Сведак Іеговы" прайшло ў Расіі напярэдадні ўвечары, а разглядаць справу пачалі яшчэ 5 красавіка.
Падставай для забароны дзейнасці арганізацыі паслужылі вынікі праверак. Так, расійскі Мінюст заявіў аб тым, што "Сведкі Іеговы" распаўсюджваюць экстрэмісцкую літаратуру, таксама ведамства выявіла экстрэмізм у дзейнасці аднаго з аддзяленняў арганізацыі ў Бірабіджане (горад у Яўрэйскай аўтаномнай вобласці РФ).
У выніку 20 красавіка Вярхоўны суд Расіі пастанавіў забараніць дзейнасць "Сведак Іеговы" ў краіне. Акрамя гэтага, вырашана канфіскаваць маёмасьць арганізацыі на карысць дзяржавы.
"Сведкі Іеговы" з'явіліся ў Беларусі ў 1994 годзе, а рэгістрацыю атрымалі ў 1997-м. Зараз у рэспубліцы налічваецца больш за два дзесяткі арганізацый гэтай плыні. Больш за год таму частку з іх планавалі пазбавіць рэгістрацыі, аднак да гэтага часу інфармацыі аб гэтым не паступала.
Паводле ацэнак сектазнаўцаў, у Беларусі зафіксавана дзейнасць практычна тысячы розных рэлігійных плыняў і груп.
