Дзіцячы пісьменнік Анатоль Алексін памёр ва ўзросце 92 гадоў

© Sputnik / А. Козьмин / Перайсці ў медыябанкПісьменнік Анатоль Алексін
Пісьменнік Анатоль Алексін - Sputnik Беларусь
Падпісацца
Кнігі Алексіна перакладзены на амаль 50 моў свету і разышліся больш чым 120-мільённым накладам.

МІНСК, 2 мая — Sputnik. Класік савецкай дзіцячай літаратуры Анатоль Алексін памёр на 93-м годзе жыцця ў Люксембургу, пра гэта паведаміў у Facebook Дзмітрый Ліханаў.

Як адзначыў Ліханаў, пра смерць Алексіна яму паведаміла дачка пісьменніка.

Міхась Кавыль - Sputnik Беларусь
Беларускі паэт Кавыль памёр у ЗША на 101 годзе жыцця

"1 мая ў Люксембургу памёр класік савецкай дзіцячай літаратуры Анатоль Алексін. Толькі што мне паведаміла пра гэта яго дачка. Анатолю Георгіевічу ішоў 93 год", — напісаў Ліханаў.

Анатоль Алексін (Гоберман) нарадзіўся ў Маскве ў 1924 годзе. Да пачатку Вялікай Айчыннай вайны публікаваўся ў "Камсамольскай праўдзе" і "Піянерскай праўдзе", а падчас вайны знаходзіўся ў эвакуацыі на Урале, дзе быў рэдактарам адной з газет.

Пасля вайны Алексін скончыў Маскоўскі інстытут усходазнаўства, працаваў у часопісе "Юнацтва" і пісаў кнігі. Сярод самых вядомых яго твораў — "У краіне вечных канікулаў", "Тэлефануйце і прыязджайце", "Пойдзем у кіно?" і іншыя. Яго кнігі былі перакладзеныя на 48 моў свету і разышліся больш чым 120-мільённым накладам. Алексін быў уганараваны шэрагам дзяржпрэмій СССР і РСФСР.

Алексін ў 1993 годзе пераехаў у Ізраіль, а з 2011 года пражываў у Люксембургу.

Стужка навiн
0