МАЗ упершыню ў гісторыі выйграў этап "Шаўковага шляху"

© Photo : "МАЗ-СПОРТавто"Экіпаж Вязовіча падчас ралі "Шаўковы шлях"
Экіпаж Вязовіча падчас ралі Шаўковы шлях - Sputnik Беларусь
Падпісацца
Два з трох беларускіх экіпажаў здолелі значна палепшыць свае пазіцыі ў выніковым заліку грузавікоў пасля чарговага этапа ралі.

МІНСК, 10 ліп — Sputnik. Экіпаж МАЗа пад кіраваннем Сяргея Вязовіча адыграўся пасля няўдач, якія напаткалі МАЗаўцаў на другім спецучастку і выйграў трэці этап ралі "Шаўковы шлях", які прайшоў у сераду паміж расійскім горадам Уфа і казахстанскім Кастанаем.

Відэафакт: як выглядае копія марсэльскага таксі з Ваўкавыска - Sputnik Беларусь
Відэа
Відэафакт: як выглядае копія марсэльскага таксі з Ваўкавыска

Вязовіч пераадолеў увесь маршрут этапу за тры гадзіны, 33 хвіліны і 14 секунд, сведчаць дадзеныя афіцыйнага сайта гонкі. Услед за беларусамі, у 55 секундах адставання, фінішаваў чэшскі экіпаж Марціна Каломы на Tatra, трэцім этап завяршыў галандзец Тоні ван Генугтэн на Iveco.

Два іншых экіпажа каманды "МАЗ-СПОРТаўта", Аляксея Вішнеўскага і Аляксандра Васілеўскага, завяршылі этап на сёмым і 12-м месцах адпаведна.

У выніковым заліку грузавікоў лідзіруе Iveco Каломы, другое і трэцяе месцы займаюць экіпажы расійскай каманды "КАМАЗ-МАЙСТАР" — Антона Шыбалава і Дзмітрыя Сотнікава. Экіпаж Вязовіча ў выніковай класіфікацыі — дзявяты, Васілеўскі — 11-й, Вішнеўскі з-за пеналізацыі на другім этапе размясціўся ў самым канцы заліка.

"Мы задаволеныя этапам — усё склалася для нас як ніколі ўдала. МАЗ не падвёў, усе сістэмы працавалі спраўна", — цытуе словы Вязовіча прэс-служба каманды. Кіраўнік "МАЗ-СПОРТаўта" таксама адзначыў, што спецучастак быў вельмі хуткасным і складаным.

У заліку пазадарожнікаў лідзіруюць па-ранейшаму прадстаўнікі адной каманды — Peugeot — яе гоншчыкі толькі мяняюцца месцамі ад этапу да этапу. Генеральны пратакол узначальвае Себасцьян Лёб, другое месца — у Стэфана Петэрансэля, трэцяе — у Сірыла Дзепрэ.

Стужка навiн
0