Суразмоўца Sputnik прывёў у прыклад усяго адну беларускую радыёстанцыю, у эфіры якой можна пачуць і джаз, і жывыя рок-канцэрты, і класічную музыку. Але аднаго эфіру наўрад ці дастаткова для таго, каб задаволіць разнастайныя музычныя густы.
"А ўсе астатнія станцыі круцяць адно і тое ж, у асноўным, старую музыку. І часам замежнікі, якія прыязджаюць да нас, кажуць: "Вы што, замарозіліся тут? Вы ж слухаеце музыку 20-гадовай даўніны". У нас рэтра — гэта хіты. Круцяць, вядома, і сучасную музыку, але напрамкаў не хапае, як, напрыклад, у Маскве", — кажа Дайнэка.
У той жа час меламанаў і прыхільнікаў строга вызначаных музычных жанраў замест радыёстанцый ратуе інтэрнэт, дзе можна знайсці любую музыку для душы.
"У інтэрнэце поўна ўсяго, і ты можаш спампаваць ці проста слухаць і ўсё самае свежае, і тое, што ты хочаш. Інтэрнэт у цябе можа і ў машыне быць. Зараз маса варыянтаў праслухоўвання, нават неабавязкова збіраць або купляць дыскі. Гэта ўжо бліжэй калекцыянерам, такім як я", — адзначае артыст.
