МІНСК, 28 ліп — Sputnik. Чалавечыя парэшткі выяўленыя ў цэнтры Полацка, паведаміў рэсурс "Народныя навіны Віцебска".
Мноства костак і чэрапаў знайшлі рабочыя, якія праводзілі земляныя працы каля сцен Полацкага музея кнігадрукавання.
Па словах полацкага краязнаўцы Андрэя Бухавецкага, у XVIII стагоддзі на гэтым месцы знаходзіўся Богаяўленскі манастыр, а пры ім былі могілкі. У цяперашні час гэтая тэрыторыя з'яўляецца часткай Полацкага гісторыка-культурнага музея-запаведніка.
