Хутка зямляне змогуць назіраць сонечнае зацьменне, але вось беларусам наўрад ці нешта атрымаецца заўважыць. Глядзіце на відэа Sputnik, як праходзіла прэс-канферэнцыя, прысвечаная астрафатаграфіі.
"Гэта відовішча хутчэй для жыхароў заходняга паўшар'я", — распавялі астрофотографы Юрый Гарачка і Міхаіл Абгарян у прэс-цэнтры Sputnik.
Беларуская супольнасць астрафатографаў не вельмі вялікая. Усіх фатографаў можна падзяліць на дзве групы — тыя, хто здымае аб'екты сонечнай сістэмы, і тыя, хто захапляецца здымкай аб'ектаў далёкага космасу, галактык, туманнасцяў і падобнага.
"Калі параўноўваць колькасць людзей, якія займаюцца такімі здымкамі ў Беларусі і Заходняй Еўропе, то мы адстаем", — прызналі астрафатографы.
Здымаць аддаленыя аб'екты ў Беларусі практычна немагчыма. А вось здымкі Месяца атрымліваюцца добрымі, праз гульню святла і цені фатаграфіі кожны раз атрымліваюцца рознымі. Адзін і той жа пейзаж можа ўяўляцца зусім па-рознаму.
"Цалкам ясных дзён у Беларусі каля 30-40. Акрамя невялікай колькасці ясных дзён, ёсць і іншая праблема: моманты, калі можна атрымаць не скажонае атмасферай малюнак, вельмі мала", — прызналі суразмоўцы.
Але сучасныя методыкі апрацоўкі здымкаў дазваляюць палепшыць малюнак.
"Пры здымцы аб'ектаў далёкага космасу можна пакінуць камеру на ноч, а раніцай вывучаць атрыманы вынік. Пры планетнай здымцы таксама можна дамагчыся аўтаматызацыі, але нішто не можа перадаць пачуцці, калі ты бачыш аб'ект здымкі на экране ў рэальным часе", — лічаць суразмоўцы.
У гэтыя выходныя беларусы маглі назіраць Персеіды, якія трапілі ў аб'ектыў фатографаў.
