У сталічным футбольным манежы з 1 па 3 верасня будзе праходзіць фестываль UNICON Convention&GameExpo Minsk 2017, ужо шосты па ліку. На форуме правядуць конкурсы касплэя, сустрэчы і лекцыі з аўтарамі коміксаў, фантастычных кніжак, кампьютэрных гульняў, а таксама гейм-хакатоны.
Мацней за ўсё гледачоў прыцягваюць шоу касплэераў: удзельнікі месяцамі рыхтуюць касцюмы па матывах фільмаў і кампьютарных гульняў. У першы дзень "Юнікона" на пляцоўцы можна было ўбачыць герояў з "Зорных войнаў", "Аватара", "Сайлент Хіла", а таксама Саўрона і Гэндальфа з "Уладара пярсцёнкаў".
На гік-фэсце прадстаўлены навінкі абсталявання і дзевайсаў для кампьютарных гульняў. Гледачы таксама могуць набыць сувеніры і яркую атрыбутыку ва ўдзельнікаў шоу.
