У Мінску прэзентавалі першую дакладную карту ВКЛ

© Sputnik / Артем БордовскийПодпісы на карце Томаша Макоўскага зроблены на лацінскай мове
Подпісы на карце Томаша Макоўскага зроблены на лацінскай мове - Sputnik Беларусь
Падпісацца
Галерэя "Арт-Беларусь" далучыла да пастаяннай экспазіцыі карту Вялікага Княства Літоўскага, створаную ў XVII стагоддзі Томашам Макоўскім.

МІНСК, 9 вер — Sputnik. Першая маштабная карта Вялікага Княства Літоўскага была створана па замове Мікалая Радзівіла Сіроткі. Збор матэрыялу для яе праходзіў у канцы XVI — пачатку XVII стагоддзяў у Нясвіжы.

Усяго на ёй пазначана 1 тыс. 39 населеных пунктаў, у тым ліку 544 у ВКЛ, з іх 342 на тэрыторыі Беларусі. Усе надпісы зроблены на лацінскай мове, большая частка з іх — гістарычныя дадзеныя, каментары да населеных пунктаў, а маштаб складае 1:1 300 000.

© Sputnik / Артем БордовскийКарта ВКЛ 1630-я гады
Карта ВКЛ 1630-я гады - Sputnik Беларусь
Карта ВКЛ 1630-я гады

Аўтарамі карты з'яўляюцца Томаш Макоўскі (1575 — каля 1630) — друкар, мастак і гравёр пры двары князя Радзівіла ў Нясвіжы і Гесель Герытс (1581-1632) — галандскі гравёр і картограф амстэрдамскага выдавецкага дома "Блау". Карта была надрукавана ў Амстэрдаме ў 1613 годзе вядомым выдаўцом Вілемам Янсзонам Блау (1571-1638).

© Sputnik / Артем БордовскийНачальнік упраўлення інфармацыйнай палітыкі Белгазпрамбанка Аляксей Федарынчык і прэс-сакратар Сяргей Скляраў
На прэзентацыі карты ВКЛ Томаша Макоўскага  - Sputnik Беларусь
Начальнік упраўлення інфармацыйнай палітыкі Белгазпрамбанка Аляксей Федарынчык і прэс-сакратар Сяргей Скляраў

Дзякуючы гэтай карце на ўсходзе Еўропы знікла белая пляма. Гэта была самая папулярная крыніца ў свой час сярод еўрапейскіх картографаў, а копіі карты, уключаныя ў розныя атласы, захоўваліся пры каралеўскіх дварах па ўсёй Еўропе.

© Sputnik / Артем БордовскийНа карце акрамя малюнкаў ёсць падрабязныя каментары пра жыццё ў ВКЛ
На карце акрамя малюнкаў ёсць падрабязныя каментары пра жыццё ў ВКЛ - Sputnik Беларусь
На карце акрамя малюнкаў ёсць падрабязныя каментары пра жыццё ў ВКЛ

Першапачатковы экзэмпляр карты не захаваўся, а на выставе ў галерэі "Арт-Беларусь" прадстаўлена пазнейшая копія, якая была зроблена з чатырох ксілаграфічных дошак.

Незабыўную атмасферу для наведвальнікаў прэзентацыі карты ВКЛ зрабіў гурт Re1ikt, які ў камернай абстаноўцы выканаў свае самыя вядомыя песні.

Стужка навiн
0