МІНСК, 15 вер — Sputnik. Закрыццё мотасезона гэтага года H.O.G. Rally Minsk 2017 пройдзе ў беларускай сталіцы ўжо ў суботу 16 верасня. У межах мерапрыемства пройдуць парад байкераў і іншыя профільныя падзеі, а на пляцоўцы ля Палаца спорту ўвесь дзень будзе праходзіць бясплатны канцэрт.
Так, у 11:00 на сцэну выйдзе DJ Realiza, праз гадзіну — Вера Бейзак, ужо ў 12:10 ля Палаца спорту выступіць Eihelstraat, а з гадзіны дня — Дзядзя Ваня і гурт "One Hell Thing".
А другой гадзіне дня на пляцоўцы пачнецца дрыфт-шоу на матацыклах Harley-Davidson. З 14:15 на сцэну выйдуць Artefact, з трох гадзін дня Inomarki, а з 16:00 — Aillion.
У пяць гадзін пройдзе яшчэ адно дрыфт-шоу, ужо ў 17:15 пройдзе выступленне Sven Fredriksson, а з 18:00 — Top Gun. У сем вечара на сцэну падымецца No Сomment Band. У 20:00 выступіць Прэзідэнцкі аркестр з праграмай "Smoke on the water".
Акрамя таго, на пляцоўцы каля Палаца спорту можна будзе ўбачыць самыя сучасныя і цікавыя байкі, здаць экзамен у ДАІ на катэгорыю "А" і ў цэлым весела правесці час.
Завершыцца H.O.G. Rally Minsk 2017 у 21:00 святочным салютам.
