Кінафестываль "Лістапад" стартаваў у Мінску

© Sputnik / Елена ВасильеваАдкрыццё кінафестывалю "Лістапад" у Мінску
Адкрыццё кінафестывалю Лістапад у Мінску - Sputnik Беларусь
Падпісацца
Адкрыла фестываль карціна расійскага рэжысёра Барыса Хлебнікава "Арытмія", ва ўрачыстай цырымоніі прымаў удзел кінарэжысёр Уладзімір Меньшоў.

МІНСК, 4 ліс — Sputnik. Кінафестываль "Лістапад" адкрыўся ў кінатэатры "Масква" фільмам "Арытмія".

Зала для гледачоў кінатэатра Цэнтральны - Sputnik Беларусь
Пра каханне і вайну: што глядзець на кінафестывалі "Лістапад"

Фестываль праходзіць у беларускай сталіцы ўжо ў 24-ы раз, удзел у ім бяруць карціны рэжысёраў з 55 краін свету. Усяго ў Мінску ў рамках фестывалю пакажуць 94 фільма.

Карціну адкрыцця, фільм "Арытмія", чакалі многія беларускія гледачы. Стужка распавядае пра таленавітага лекара хуткай дапамогі. Пакуль ён ратаваў іншых, жонка страціла надзею і вырашыла падаць на развод, рэжысёр задаецца пытаннем: што лягчэй — ратаваць іншых ці выратаваць сябе?

У гэтым годзе слоган фэсту — "Ісціна, каханне і прыгажосць". Вядучыя цырымоніі адкрыцця кінафестывалю — Кацярына Раецкіх і Дзяніс Дудзінскі. Сама Кацярына рэкамендуе не прапусціць "Забойства свяшчэннага аленя" — фільм Ёргаса Ланцімоса, які пакажуць у кінатэатры "Масква" 11 лістапада.

Кінастужкі фестывалю пакажуць у кінатэатрах "Цэнтральны", "Мір", "Піянер", "Беларусь", "Falcon Club Буцік Кіно".

Цырымонія закрыцця, а таксама спецыяльныя паказы пройдуць у кінатэатры "Масква".

Стужка навiн
0