У Мінску адкрываецца Нацыянальны фестываль архітэктуры

© Sputnik / Виктор ТолочкоВід на Мінск
Від на Мінск - Sputnik Беларусь
Падпісацца
У межах фестывалю таксама адбудзецца V Рэспубліканскі мастацкі конкурс дзіцячага малюнка "Архітэктура роднага краю вачыма дзяцей".

МІНСК, 9 ліс — Sputnik. XII Нацыянальны фестываль архітэктуры пройдзе 9-11 лістапада ў Мінску, мерапрыемства ставіць мэтай падвысіць цікавасць грамадскасці да дасягненняў сучаснай архітэктуры.  

Сёлета фестываль прысвечаны 950-годдзю горада Мінска. У праграму форуму ўключаны ХVIII Рэспубліканскі конкурс на лепшы архітэктурны твор, які праводзіцца з мэтай азнаямлення з архітэктурнымі творамі беларускіх дойлідаў.

Упершыню ў Гомелі прадставяць больш за 300 твораў польскіх мастакоў - Sputnik Беларусь
Упершыню ў Гомелі прадставяць больш за 300 твораў польскіх мастакоў

У фестывалі возьмуць удзел праектныя, праектна-будаўнічыя прадпрыемствы, архітэктурныя бюро, творчыя майстэрні, індывідуальныя прадпрымальнікі, архітэктары, рэстаўратары, дызайнеры, скульптары.

Таксама запланавана правядзенне VII Мінскага міжнароднага біенале маладых архітэктараў "Леанарда-2017", які пройдзе пад эгідай Міжнароднага саюза архітэктараў і Міжнароднай асацыяцыі саюзаў архітэктараў.

Пачынаючых архітэктараў запрашаюць да ўдзелу ў XI Рэспубліканскім конкурсе дыпломных праектаў выпускнікоў вышэйшых і сярэдніх спецыяльных архітэктурных школ Беларусі. Творчае спаборніцтва накіравана на выяўленне, падтрымку і заахвочванне таленавітай моладзі ў галіне архітэктуры, горадабудаўніцтва і архітэктурнага дызайну.

У межах фестывалю адбудзецца і V Рэспубліканскі мастацкі конкурс дзіцячага малюнка "Архітэктура роднага краю вачыма дзяцей". Пройдуць выставы дызайнераў, скульптараў, манументалістаў, нацыянальных саюзаў архітэктараў краін блізкага і далёкага замежжа.

У праграме майстар-класы вядучых архітэктараў, выставы інвестыцыйных праектаў, тавараў, тэхналогій і паслуг замежных і айчынных фірмаў, якія працуюць на будаўнічым рынку Беларусі. Фестываль прадугледжвае прэзентацыі фірмаў і праектных прадпрыемстваў, правядзенне семінараў, тэматычных канферэнцый, мэтавых форумаў з абмеркаваннем дасягненняў, праблем архітэктуры і горадабудаўніцтва апошніх гадоў. Плануецца ўручэнне ганаровага прыза "Дойлід Рэспублікі Беларусь".

Стужка навiн
0