Пахаванне Міхаіла Задорнава адбудзецца 15 лістапада ў Латвіі

© Sputnik / Максим Блинов / Перайсці ў медыябанкПісьменнік і сатырык Міхаіл Задорнаў
Пісьменнік і сатырык Міхаіл Задорнаў - Sputnik Беларусь
Падпісацца
Вядомы сатырык, які памёр у Маскве пасля працяглай хваробы 10 лістапада, будзе пахаваны ў Юрмале, побач з бацькам.

МІНСК, 13 ліс — Sputnik. Пахаванне сатырыка Міхаіла Задорнава, якога не стала 10 лістапада ў Маскве, адбудзецца 15 лістапада ў латвійскай Юрмале, паведаміла сям'я артыста на яго афіцыйнай старонцы "VK"

"Паведамляем вам, што 15 лістапада ў 11:00 у саборы Аляксандра Неўскага ў Рызе пачнецца адпяванне, пасля якога Міхаіл будзе пахаваны ў Юрмале, на могілках Яундубулты побач са сваім бацькам", — гаворыцца ў паведамленні сям'і.

Пісьменнік-сатырык Міхаіл Задорнаў - Sputnik Беларусь
Памёр сатырык Міхаіл Задорнаў

Акрамя таго, сваякі падзякавалі ўсім, хто падтрымаў іх "у гэтыя цяжкія дні".

"Дзякуем вам за цёплыя словы, спачуванне, праяўленую вамі далікатнасць. Мы заўсёды ведалі, што ў Міхаіла інтэлігентны глядач", — адзначаецца ў паведамленні.

Як раней паведамляў Sputnik Беларусь, Міхаіла Задорнава не стала на 70-м годзе жыцця пасля цяжкай і працяглай хваробы — у пісьменніка была пухліна галаўнога мозгу. Спачуванні сям'і сатырыка выказаў прэзідэнт Расіі Уладзімір Пуцін.

Развітанне з акцёрам прайшло ў Маскве ў нядзелю, 12 лістапада.

Апошняя воля пісьменніка

У завяшчанні, змест якога быў абвешчаны пасля смерці сатырыка, Задорнаў прасіў пахаваць яго ў адной магіле з бацькам — заслужаным дзеячам культуры Латвійскай ССР, лаўрэатам Сталінскай прэміі, пісьменнікам і сцэнарыстам Мікалаем Задорнавым, які спачывае ў Юрмале. Цела да месца пахавання Задорнаў папрасіў перавозіць толькі наземным транспартам.

Акрамя таго, Задорнаў прасіў падтрымаць рускамоўную бібліятэку ў Рызе.

Нагадаем, што сатырык нарадзіўся менавіта ў Юрмале (Латвійская СССР) у 1948 годзе, хоць школу ён скончыў ужо ў сталіцы краіны — Рызе. Пазней ён перабраўся ў Маскву, дзе вучыўся ў Авіяцыйным інстытуце.     

Стужка навiн
0