МІНСК, 21 ліс — Sputnik. Красоўкі і ракетку экс-першай ракеткі свету беларускі Вікторыі Азаранкі прададуць на дабрачынным аўкцыёне ў Вільнюсе, паведамілі ў пасольстве Беларусі ў Літве.
Дабрачынны калядны аўкцыён адбудзецца 2 снежня ў Ратушы ў Вільнюсе.
"Віка пагадзілася прадаставіць пасольству сваю асабістую прафесійную ракетку, якой гуляла на міжнародных кортах, у якасці лота на Калядны дабрачынны базар! А яшчэ фірмовыя імянныя красоўкі. І ўсё гэта з яе аўтографамі!" — гаворыцца ў паведамленні беларускага пасольства.
Наша @vika7 не только теннисистка,а еще благотворитель!Вика предоставила Посольству свою личную ракетку, которой играла на кортах, в качестве лота на #Рождество благотворительный базар!А еще именные кроссовки. И всё это с автографами!
— BelEmbassyLt (@BelEmbassyLt) 20 ноября 2017 г.
Приходите за ними на наш стенд 2 декабря! pic.twitter.com/qAv41U8hPo
Якія яшчэ лоты, акрамя ракеткі і спартыўнага абутку Азаранкі, збіраюцца прадаць з малатка арганізатары аўкцыёну, не ўдакладняецца. Не раскрываецца таксама і стартавы кошт рэчаў, якія належаць беларускай тэнісістцы.
Нагадаем, Азаранка жыве ў ЗША разам са сваім сынам Лео. У Каліфорніі яна судзіцца з бацькам свайго дзіцяці за права апекі над ім. З-за сямейных абставінаў беларуская тэнісістка прапусціла некалькі буйных турніраў і не змагла прыняць удзел у фінале Кубка Федэрацыі ў Мінску супраць зборнай ЗША.
