Удзельнікі "Літаратурнага падарожжа" наведаюць радзіму Караткевіча

© Photo : GandvikМузей Уладзіміра Караткевіча ў Оршы
Музей Уладзіміра Караткевіча ў Оршы - Sputnik Беларусь
Падпісацца
Падарожнікі наведаюць Музей Уладзіміра Караткевіча ў Оршы, дзе убачаць дом, у якім пісьменнік жыў з сям’ёй у 1956-1958 гадах.

МІНСК, 21 ліс — Sputnik. У рамках праекта "Літаратурнае падарожжа" 22 лістапада адбудзецца вандроўка Дзяржаўнага музея гісторыі беларускай літаратуры на радзіму выбітнага пісьменніка і класіка беларускай літаратуры Уладзіміра Караткевіча, паведамілі Sputnik арганізатары.

Дом-музей Адама Міцкевіча ў Наваградку - Sputnik Беларусь
Фота
Літаратурнае падарожжа па слядах філаматаў і філарэтаў

"Я нарадзіўся 26 лістапада 1930 года ў горадзе Оршы Віцебскай вобласці. Тады гэта быў маленькі гарадок. Зялёныя вуліцы, рэшткі валоў замчышча, гудкі далёкіх цягнікоў і блізкіх параходаў (чыгунка і аўтобусы яшчэ не забілі раку), дубовыя лясы на берагах і ліпы на вуліцах, недалёкія парогі. І, вядома, сотні крыніц па берагах і нашы песні…" — так апісвае свой родны горад у аўтабіяграфіі "Дарога, якую прайшоў" Уладзімір Караткевіч.

У музеі гісторыі беларускай літаратуры адзначылі, што "ў Оршы пісьменніка памятаюць і ганарацца сваім таленавітым земляком. Таму супрацоўнікі музея разам з беларускімі пісьменнікамі вырашылі выправіцца ў вандроўку перад днём нараджэння Уладзіміра Караткевіча".

"Удзельнікі падарожжа наведаюць Музей Уладзіміра Караткевіча, дзе убачаць дом, у якім пісьменнік жыў з сям'ёй у 1956-1958 гадах", — дадалі арганізатары.

Праект "Літаратурнае падарожжа" знаёміць жыхароў беларускіх вёсак і гарадоў з цікавымі падарожнікамі: пісьменнікамі, супрацоўнікамі музеяў, літаратуразнаўцамі, журналістамі, дае магчымасць задаць ім пытанні, зацікавіцца іх творамі, а таксама даведацца пра музейную працу.

Стужка навiн
0