У панядзелак скончылася галасаванне заўзятараў за лепшы гол сезона-2017, паведамляе партал sports.kz. Аматары футбола на працягу дзесяці дзён актыўна галасавалі за прэтэндэнтаў, якія былі прапанаваны Прафесійнай футбольнай лігай Казахстана (ПФЛК).
Першае месца заняў беларус Ігар Зяньковіч, які выступае за "Актобе". Яго гол у матчы супраць "Шахцёра" ў Карагандзе набраў 2698 балаў. Другое месца заняў расіянін Андрэй Аршавін з "Кайрата" (2496). Тройку лепшых замкнуў Ісламбек Куат (942), які прадстаўляе "Астану".
Беларус Зяньковіч з'ехаў у Казахстан пяць гадоў таму, там ён атрымаў казахстанскі пашпарт. У мінулым сезоне форвард вызначыўся дзевяць разоў у 30 матчах — ён займае восьмае месца ў спісе снайпераў.
