Кантраст тэмпературы цела і халоднай вады ў той момант, калі чалавек акунаецца ў ледзяную палонку на Вадохрышча, можа стаць прычынай спазмаў і нават справакаваць пнеўманію, паведаміў у гутарцы на радыё Sputnik Беларусь траўматолаг-артапед Яўген Пяткевіч.
"Лічыцца, што акунанне ў палонку на Вадохрышча нясе за сабой аздараўленне. Але ўсё ж гэта мерапрыемства экстрэмальнае для арганізма, і яно патрабуе пэўнай падрыхтоўкі", — удакладніў Пяткевіч.
Па рэкамендацыях спецыяліста, апусканне ў халодную ваду павінна быць кароткачасовым — не больш за некалькі секунд. Пасля таго, як чалавек выйдзе з вады, трэба цяпло апрануцца і выпіць цёплы напой — чай ці травяны адвар. Такім чынам, можна зняць спазм сасудаў і не дапусціць абмаражэння.
"Працэс акунання ў ледзяную палонку можна разглядаць як элемент загартоўвання арганізма. Аднак калі чалавек не пачынае трэніравацца загадзя, высокая верагоднасць узнікнення праблем", — рэзюмаваў Пяткевіч.
Рэкамендацыі медыка па акунанні ў ледзяную палонку на Вадохрышча слухайце ў аўдыёзапісе радыё Sputnik Беларусь.
