Горкая вестка прыйшла з горада на Няве. У Санкт-Пецярбургу на 68-м годзе жыцця памёрла народная артыстка Расіі, спявачка Людміла Сенчына. Паводле інфармацыі прадзюсара артысткі, апошнія паўтара гады яна змагалася з цяжкай хваробай.
"Мы кантактавалі, але няшмат. На жаль, глыбокага творчага кантакту ў нас не атрымалася, хоць спробы былі. Мы сустракаліся на канцэртах, у Сенчынай быў характар добры, душэўны. Вобраз яе застанецца такім: добрай, душэўнай, хатняй спявачкі", — сказаў Ханок.
Людміла Сенчына на працягу доўгіх гадоў была адной з самых яркіх спявачак у СССР, дзякуючы свайму ўнікальнаму голасу і непараўнальнаму абаянню. Знакамітасць прыйшла да яе пасля выканання песні "Золушка" у навагоднім "Галубым аганьку" 1970 года.
10 самых вядомых песень Людмілы Сенчынай>>
Людміла Сенчына — лаўрэат Усерасійскага конкурсу артыстаў эстрады 1973 года і конкурсу "Сопат" 1975 года. У сакавіку 1979 года ёй было прысвоена званне Заслужанай артысткі РСФСР, а ў красавіку 2002 — народнай артысткі Расіі. 13 снежня 2017 года Людміле Сенчынай споўнілася 67 гадоў.
Каментар народнага артыста Беларусі Эдуарда Ханка слухайце ў аўдыёзапісе радыё Sputnik Беларусь.
