МІНСК, 30 сту — Sputnik. Спявачка Юлія Самойлава прадставіць Расію на конкурсе песні "Еўрабачанне" ў Лісабоне, паведаміў "Першы канал".
У сваім Instagram-акаўнце Самойлава паведаміла, што ўжо вызначылася з кампазіцыяй, якую выканае на конкурсе, аднак назва песні пакуль не раскрываецца.
"Вось і пачалася падрыхтоўка да Еўрабачання! Нарэшце-то! Сустрэліся нашай камандай з рэжысёрам-пастаноўшчыкам Аляксеем Голубевым, абмеркавалі будучы нумар. Песню ўжо выбралі, так што працуем", — напісала Самойлава.
Дайнека: на "Еўрабачанні" многае наканавана >>
Нагадаем, у мінулым годзе Служба бяспекі Украіны забараніла ўезд расійскай удзельніцы Юліі Самойлавай на тэрыторыю краіны. Прэтэнзіі былі звязаныя з тым, што артыстка выступала ў Крыме ў 2015 годзе. "Першы канал" у сваю чаргу адмовіўся трансляваць "Еўрабачанне-2017", конкурс праходзіў у Кіеве з 9 па 13 мая. Перамогу атрымаў партугалец Сальвадор Сабрал.
"Еўрабачанне — 2018" пройдзе ў сталіцы Партугаліі — Лісабоне. Вядома, што прадстаўніца Расіі выступіць у другім паўфінале, які пройдзе 10 мая 2018 года. Фінал конкурсу адбудзецца 12 мая.
