Дробыш пра "Ты супер!": напэўна, я усмешкай растапляю дзіцячыя сэрцы

© SputnikІгар Круты, Юліяна Каравулава і Віктар Дробыш
Ігар Круты, Юліяна Каравулава і Віктар Дробыш - Sputnik Беларусь
На першым вакальным конкурсе "Ты супер!" юныя ўдзельнікі назвалі члена журы, кампазітара і прадзюсара Віктара Дробыша "дзядзькам Віцем", і яму гэта падабаецца.

Sputnik, Аляксей Стэфанаў

Другі па ліку Міжнародны вакальны конкурс "Ты супер!", у якім прымаюць удзел дзеці, што засталіся без апекі бацькоў, і нязменным партнёрам якога выступае Міжнароднае інфармацыйнае агенцтва і радыё Sputnik, стартуе 10 лютага ў 20:00 на НТБ. На працягу некалькіх месяцаў 83 удзельнікі са складанымі лёсамі з 13 краін — Расіі, блізкага замежжа, краін Балтыі, а цяпер яшчэ Германіі і Сірыі, будуць змагацца за званне самага таленавітага юнага спевака.

Змены закранулі і журы конкурсу — да кампазітара і прадзюсара Віктара Дробыша, які сядзеў у судзейскім крэсле і на першым вакальным конкурсе, далучыліся кампазітар Ігар Крутой, пераможца галасавання гледачоў "Еўрабачання-2016" Сяргей Лазараў і папулярная спявачка Юліяна Каравулава. Вядучым застаўся Вадзім Такмянёў.

На конкурс прыехалі моцныя ўдзельнікі

"Гэта вельмі важна, што ў конкурсе прымаюць удзел прадстаўнікі краін Блізкага замежжа і Балтыі, таму што нашы культурныя сувязі нікуды не падзеліся, нікуды не падзелася і руская мова, як мова нашых зносінаў. Мне было вельмі прыемна, калі я пачуў, што Сабіна Манвелян — удзельніца мінулага конкурса ад Арменіі, якая яшчэ год таму дрэнна размаўляла па-руску, стала вядучай на радыё Sputnik Арменія, і як чыста яна цяпер кажа на ім, добра пабудаванымі фразамі, як прафесійная радыёвядучая. І гэта таксама важна, таму што дзеці, якія прыязджаюць у Маскву, пачынаюць размаўляць на мове міжнацыянальных зносін. На мове, на якой усе мы выраслі, на якой пабудавалі вельмі шмат нашых культурных сувязяў. А з-за таго, што мова пачала губляцца, сталі губляцца і нашы сувязі ", — сказаў агенцтву Sputnik хросны бацька конкурса, генеральны прадзюсар НТБ Цімур Вайнштэйн.

© Sputnik / Владимир ТрефиловГенеральны прадзюсар НТБ Цімур Вайнштэйн
Дробыш пра Ты супер!: напэўна, я усмешкай растапляю дзіцячыя сэрцы - Sputnik Беларусь
Генеральны прадзюсар НТБ Цімур Вайнштэйн

Ён адзначыў, што яшчэ на мінулым сезоне конкурса "Ты супер!" стала зразумела, што дзеці з краін, якія па розных прычынах не вельмі дружалюбна ставяцца адна да адной, становяцца на праекце сябрамі, абдымаюцца пры сустрэчы, а на развітанне шчыра плачуць. Таму што гэты конкурс не мае палітычнага падтэксту, ён больш, чым проста тэлевізійны праект, "ён пра дзяцей і для дзяцей, ён пра сяброўства і дапамогу".

"Дзеці з усіх краін СНД да гэтага часу маюць зносіны адзін з адным. І тое, што іх падтрымлівае Sputnik, тое, што яны атрымліваюць стыпендыі, гэта выдатна. У далейшым дзеці могуць гэтыя грошы выкарыстоўваць на сваю прафесійнаю адукацыю, мне здаецца гэта вельмі важным", — сказаў Вайнштэйн.

Паводле яго слоў, на другі вакальны праект "Ты супер!" прыехалі яшчэ больш таленавітыя дзеці. Праводзіць кастынг было прасцей, таму што дзеці глядзелі першы конкурс, рыхтаваліся, ведалі, якія песні будуць больш выйгрышна гучаць. І хоць у арганізатараў праекта, членаў журы могуць быць сімпатыі да пэўных краін, на удзельніках гэта ніяк не адаб'ецца.

"Я вельмі рады, што другі год запар Азербайджан удзельнічае ў гэтым конкурсе. Зразумела, што я родам з Баку, там пахаваныя мае продкі, я вельмі люблю гэты горад і з задавальненнем туды прыязджаю, Азербайджан мая другая радзіма, але я ніяк не выкарыстоўваю гэта. Ніхто з нас не робіць гэтага, таму што гэта шчыры конкурс. Мы проста любім усіх нашых удзельнікаў, таму што яны асаблівыя ў сваёй сумленнасці, шчырасці, дарослых адносінах да жыцця ", — запэўніў Цімур Вайнштэйн.

Галасаваць сэрцам

Падчас першага вакальнага конкурса "Ты супер!" член журы Юліяна Каравулава прыязджала на здымачную пляцоўку, выступала і суперажывала дзецям, але прызналася карэспандэнту Sputnik, што з-за напружанага графіка сачыла не за ўсімі перадачамі. Цяпер жа будзе ўважліва глядзець на кожнага ўдзельніка.

Ігар Крутой, Юліяна Каравулава, Віктар Дробыш і Вадзім Такмянёў - Sputnik Беларусь
Крутой, Каравулава, Дробыш і Лазараў будуць у журы "Ты супер!"

"У першым сезоне я думала, паколькі дзеці асаблівыя, ім будуць рабіць нейкія паблажкі, журы — ставіцца да ўсяго паблажліва, нават лічыла, што ўсё будзе на ўзроўні мастацкай самадзейнасці, і была прыемна здзіўленая, калі выявіла, што многія хлопцы сапраўды практычна прафесійна спяваюць, яны вельмі таленавітыя. У гэты раз конкурс будзе яшчэ мацнейшы, паколькі генеральны прадзюсар нас у гэтым запэўніў, і, думаю, нам будзе нялёгка выбраць мацнейшага", — сказала Юліяна Каравулава.

Спявачка адзначыла, што ёй вельмі "прыемна станавіцца часткай музычнага свята, сацыяльнага праекта, які змяняе жыццё людзей, цэлага пакалення, часткай глабальнага праекта, які ўвойдзе ў гісторыі.

"Я пастараюся быць дастаткова аб'ектыўнай і галасаваць сэрцам. Мы бачым, што цяпер пакаленне больш таленавітае, а на гэтым праекце асаблівыя дзеці, якія прайшлі праз многае. Акрамя таго, што мы павінны часам рабіць зніжку на хваляванне, складаны жыццёвы шлях, важна ўсё ж ацэньваць і прыродныя дадзеныя, наколькі старанна рыхтаваўся ўдзельнік да выступлення, то, як ён прадстаўляе свой нумар — толькі спявае ці яшчэ танчыць. Іншымі словамі, паспрабую быць аб'ектыўнай ", — запэўніла Каравулава.

Дзіцячы конкурс, які змяніў дарослых

"Роўна год таму я не чакаў таго, што са мной адбудзецца, — прызнаўся карэспандэнту Sputnik Віктар Дробыш. — Паставіўся да прапановы стаць членам журы досыць дзяжурна: конкурс, ну, паглядзім. Але гэты праект нас, дарослых, якія шмат што бачылі, змяніў, мы сталі іншымі. Спадзяюся, што лепшымі. Мы сталі шанаваць зусім іншыя рэчы. Я нават да сваіх дзяцей стаў адносіцца па-іншаму, да іх выхавання. Гэты праект мяне таксама шмат чаму навучыў. Таму ў чаканні другога конкурса я рыхтуюся да эмоцый, якія я павінен стрымліваць, усё ж хлапчукі не плачуць. Але сітуацыя будзе блізкая да гэтага, таму што мы будзем перажываць іх жыццё, іх гісторыі. Хоць і не трэба сябе стрымліваць".

© Sputnik / Евгения Новоженина / Перайсці ў фотабанкПрадзюсар Віктар Дробыш
Дробыш пра Ты супер!: напэўна, я усмешкай растапляю дзіцячыя сэрцы - Sputnik Беларусь
Прадзюсар Віктар Дробыш

На першым вакальным конкурсе ён стаў самым любімым сябрам журы для канкурсантаў, хоць і прымаў часам жорсткія рашэнні. Яго нават празвалі дзядзькам Віцем.

"Дзядзька Віця гучыць нядрэнна, былі ж дзядзька Сцёпа-міліцыянер, дзядзька Фёдар — гэта ж амаль памяншальна-ласкальна гучыць. Няхай так і будзе. Напэўна, я усмешкай растопліваю сэрцы дзяцей", — сказаў кампазітар, і прыязна ўсміхнуўся.

Ігар Крутой быў больш стрыманым. "Спадзяюся, будзе цікава, і за кошт майго ўдзелу ў журы рэйтынг праграмы не паменшыцца", — таксама ўсміхнуўся ён. Зрэшты, як адзначыў Цімур Вайнштэйн, гэты конкурс шмат у чым адбыўся менавіта дзякуючы Ігару Крутому, які падтрымаў яго ад зараджэння ідэі і да канкрэтнай дапамогі дзецям.

"Задача такога шоу складаецца ў тым, каб змяніць жыццё ўдзельнікаў. Падводзячы нейкі вынік двух этапаў конкурса — вакальнага і танцавальнага, ужо можна сказаць, што гэта задача вырашана. Жыццё дзяцей змянілася, а ў чымсьці змянілася і жыццё нашага агенцтва Sputnik", — адзначыў намеснік галоўнага рэдактара МІА "Россия сегодня" Андрэй Благадыранка.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі