Лукашэнка запатрабаваў удвая падняць настаўнікам зарплаты

© Sputnik / Павел Комаров / Перайсці ў фотабанкНастаўнік ля дошкі, архіўнае фота
Настаўнік ля дошкі, архіўнае фота - Sputnik Беларусь
Яшчэ адна задача пастаўлена сістэме адукацыі - дамагчыся, каб маладыя педагогі не сыходзілі са школ.

МІНСК, 16 лют — Sputnik. Заробак педагогаў неабходна павялічыць у два разы за бліжэйшыя гады, адпаведнае патрабаванне агучыў у пятніцу прэзідэнт Беларусі Аляксандр Лукашэнка.

Беларускія ўлады плануюць дамагчыся ў гэтым годзе сярэдняга заробку ў бюджэтнікаў у 700 рублёў — крыху больш за 350 долараў па цяперашнім курсе. Абяцалі чыноўнікі заняцца і заробкамі педагогаў — ім часцей за іншых прыходзіцца даплочваць да "мінімалкі", а на нізкія ўзроўні даходаў настаўнікі скардзяцца ўжо даўно.

Падняць заробкі і захаваць у школах

"Па настаўнікам будзем разбірацца вельмі сур'ёзна. Трэба за будучую пяцігодку і пакінуты час заробак настаўнікам падвойваць. Гэта не папулізм. Настаўнік у нас сёння застаўся галоўным звяном на вёсцы, у малых гарадах, раённых цэнтрах. І нават у Мінску, абласных цэнтрах, наша апірышча — настаўнік ", — заявіў у пятніцу ў Слуцку прэзідэнт Беларусі.

Настаўніца мінскай гімназіі, архіўнае фота - Sputnik Беларусь
Чыноўнікі вырашылі, якія дакументы павінны запаўняць настаўнікі

Другая задача перад сістэмай адукацыі — зрабіць так, каб маладыя педагогі пасля заканчэння ВНУ не сыходзілі з беларускіх школ.

"Я ведаю, што тэндэнцыя ўжо зваротная пайшла. Ведаю некаторых асабіста, якія сышлі на добры заробак, а сёння гатовыя вярнуцца назад у школу на больш нізкі. Чаму? Таму што адпачынак прыстойны, свабода пэўная — у школе адпрацаваў (лічы, да 15-16 гадзін асноўная нагрузка) і вольны, не прывязаны да стала, як бухгалтар, эканаміст. Але заробак настаўніка нізкім быць не павінен", — упэўнены кіраўнік дзяржавы.

Не толькі настаўнікам

Прэзідэнт адзначыў, што сёння нізкія зарплаты таксама ў супрацоўнікаў дзіцячых садкоў, малодшага медперсаналу — хоць у іх "каласальная работа". Тое ж самае — у культуры і сацыяльным забеспячэнні.

Кіраўнік Міністэрства адукацыі Ігар Карпенка - Sputnik Беларусь
Карпенка пракаментаваў адмену экзаменаў у пяты клас у гімназіях

"Паціху іх трэба падцягваць вышэй, і за кошт іх у бягучым годзе мы павінны перасягнуць тысячу рублёў заробку. Вядома, ён будзе расці і ў высокааплатнага, і ў сярэдняга звяна. Але мой кантроль — за гэтым пластом насельніцтва, які атрымлівае нізкую зарплату", — сказаў Лукашэнка.

Агучыў кіраўнік дзяржавы і пэўныя планы: за квартал выйсці на тысячу рублёў "і крыху больш", затым у залежнасці ад росту эканомікі.

"Дзесьці зэканоміць трэба, дзесьці менш спаліць, але людзям трэба даць заробак. Гэта і стымуляванне ўнутранага попыту, дарма ігнаруем яго", — дадаў ён.

Прызнаўся прэзідэнт і ў тым, што яго радуе рост попыту з боку насельніцтва, аднак хацелася б больш высокіх тэмпаў.

"Таму людзям трэба плаціць нармальны заробак, але грошы трэба зарабіць — тут пытанняў няма", — сказаў на заканчэнне Лукашэнка.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі