Дыктоўка, канцэрт і лекцыі: куды пайсці на Дзень роднай мовы

© Sputnik / Юлія ХвошчСвята беларускай культуры ў Мінску, архіўнае фота
Свята беларускай культуры ў Мінску, архіўнае фота - Sputnik Беларусь
Падпісацца
Прэзентацыя юбілейнага выдання "Псалтыра", выступленні беларускіх гуртоў і сустрэча з паэтам Алесем Бадаком – у аглядзе Sputnik.

Традыцыйна 21 лютага ва ўсім свеце адзначаецца Дзень роднай мовы. І хоць свята нельга аднесці да звыклых, у сталіцы пройдзе вялікая колькасць мерапрыемстваў з яго нагоды.

Тыдзень роднай мовы ў Акадэміі навук

Нацыянальная акадэмія навук Беларусі арганізуе цэлы тыдзень святочных мерапрыемстваў. Пачаліся святкаванні 19 лютага ў Інстытуце мовазнаўства імя Якуба Коласа, дзе прайшоў навукова-практычны семінар па славістычнай бібліяграфіі ў інтэрнэце.

Салон Путешествие по Европе - Sputnik Беларусь
Падарожжа ў Галантнае стагоддзе здзейснілі мінскія рэканструктары

21 лютага ў 10:00 пачне работу Міжнародная навуковая канферэнцыя "Беларуская мова ў сферы sасrum: гісторыя і сучаснасць", удзельнікі якой абмяркуюць функцыянаванне беларускай мовы ў рэлігійнай сферы жыцця.

У гэты ж дзень у Інстытуце мовазнаўства ў 14:00 прадставяць юбілейнае выданне "Псалтыра" ў перакладзе на сучасную беларускую літаратурную мову. Выданне падрыхтавалі вядомыя ў краіне навукоўцы — доктар філалагічных навук прафесар Мікалай Прыгодзіч, кандыдат гістарычных навук, магістр тэалогіі Уладзіслаў Завальнюк і настаўнік-беларусавед Валянціна Раманцэвіч.

22 лютага ў 18:30 Інстытут мовазнаўства сумесна з Дзяржаўным літаратурна-мемарыяльным музеем Якуба Коласа зладзіць імпрэзу "Па старонках Гістарычнага слоўніка беларускай мовы". На мерапрыемстве выступяць аўтары слоўніка, а таксама дуэт CАRKА.

Сустрэчы з пісьменнікамі і лінгвістычныя дыскусіі ў БДУ

Тыдзень роднай мовы ладзяць таксама і ў Беларускім дзяржаўным універсітэце. Тут мерапрыемствы стартуюць 21 лютага з творчай  сустрэчы з пісьменнікам, паэтам, публіцыстам, крытыкам, дырэктарам выдавецтва "Мастацкая літаратура" Алесем Бадаком. Пачатак — у 12:45.

Скульптура Владимира Слободчикова Чернобыльская Мадонна - Sputnik Беларусь
Калекцыянер з Манака вярнуў творы беларускіх мастакоў на радзіму

Святкаванне працягнецца 22 лютага акцыяй "Дзень беларускага перакладу", якая прысвечана выданню ў перакладзе на беларускую мову тэкстаў Новага Запавету і Псалтыра.

Таксама падчас тыдня роднай мовы студэнтаў і выкладчыкаў чакаюць гульня "Філалогія і Я", лінгвістычная гасцёўня "Беларуска-кітайскі дыялог", сустрэча з беларускім паэтам Міколам Мятліцкім і майстар-клас "Этыкет па-кітайску".

Кропкай святочнага тыдню стане лінгвістычна-мастацка-дыскусійная гасцёўня "Яны змаглі, а ТЫ зможаш?". Удзельнікі абмяркуюць папулярызацыю беларускай мовы сярод моладзі. Сваім вопытам у вырашэнні гэтага пытання падзеліцца з аўдыторыяй сузаснавальнік камунікацыйнай кампаніі GBS Дзмітрый Гмыза.

Дыктоўка па творах Якуба Коласа — у музеі

Літаратурна-мемарыяльны музей Якуба Коласа запрашае прыняць удзел у акцыі "Дзясятка за Коласа". Удзельнікі акцыі павінны будуць напісаць дыктоўку па творах знакамітага аўтара і вызначыць, з якога твора ўзяты ўрывак. Усім, хто напіша на дзесяць балаў і правільна назаве твор Якуба Коласа, музей абяцае сувеніры.

Спевы на роднай мове — у Арт Сядзібе

Арт Сядзіба традыцыйна ладзіць Свята роднай мовы. Арганізатары хочуць паказаць, што "беларуская мова не толькі жыве і развіваецца, але і натхняе шматлікіх людзей на цікавыя і яскравыя праекты, акрыляе на добрыя справы". У праграме — выступы гуртоў  Rahis, MIKITA, Бяз Назвы, The Superbullz.

Рука мастака, архіўнае фота - Sputnik Беларусь
Мастакі Зоя Луцэвіч і Алег Варвашэня рыхтуюць новы праект пра каханне

Уваход вольны, але жадаючым трэба запісацца.

Лекцыі пра пісьменнікаў — у музеі літаратуры

Лекцыі пра беларускіх пісьменнікаў, разнастайныя інтэрактыўныя заняткі і экскурсіі з цікавымі фактамі пра беларускую мову чакаюць гасцей Дзяржаўнага музея гісторыі беларускай літаратуры 21 лютага.

Калі вы захочаце прыйсці і правесці Дзень роднай мовы ў гэтым музеі, трэба папярэдне запісацца па тэлефоне 8 (017) 334-56-21.

Стужка навiн
0