Фільмы з дзяржпадтрымкай абавяжуць здымаць на базе "Беларусьфільма"

© Sputnik / Иван Руднев / Перайсці ў медыябанкЗдымкі фільма "Вока за вока" на кінастудыі "Беларусьфільм"
Здымкі фільма Вока за вока на кінастудыі Беларусьфільм - Sputnik Беларусь
Падпісацца
Міністэрства культуры выступае супраць "хоум-відэа" - так кіраўнік ведамства назваў знятыя на смартфоны фільмы.

МІНСК, 20 лют — Sputnik. Вытворчасць фільмаў, якія здымаюцца з дзяржаўнай падтрымкай, павінна будзе адбывацца на базе кінастудыі "Беларусьфільм", заявіў кіраўнік Мінкульта Беларусі Юрый Бондар.

Кадр з фільма Ягор - Sputnik Беларусь
Відэа
Відэафакт: купалаўцы знялі кароткаметражку па матывах "Радзіва Прудок"

Праект указа прэзідэнта "Аб мерах па стымуляванню развіцця кінематаграфіі" восенню 2017-га выносілі на грамадскае абмеркаванне. Тады ж некалькі кінематаграфістаў заявілі аб тым, што праект дакумента адпавядае інтарэсам "Беларусьфільма", а не індустрыі.

Кіраўнік Мінкульта з такім меркаваннем не згодны.

Па словах Бондара, праект указа ў першую чаргу накіраваны на падтрымку якаснага кіно ў краіне, а не нацыянальнай кінастудыі. У той жа час у праекце прапісана: тыя фільмы, якія здымаюцца з дзяржпадтрымкай, павінны вырабляцца на базе "Беларусьфільма".

"І тут мы ў першую чаргу бяром пад увагу якасць. Бо ёсць розніца: ці знятая стужка на тэлефон або на кінастудыі поўнага цыклу, якой і з'яўляецца "Беларусьфільм"? Фільм на смартфоне — гэта проста хоум-відэа. Глядач, які набыў квіток у кіно, павінен атрымаць прадукт высокай якасці", — аргументаваў у інтэрв'ю газеце "СБ. Беларусь сегодня" Бондар.

Калі ўказ будзе прыняты, магчымыя і змены ў правядзенні конкурсу на стварэнне кінасцэнарыяў і вытворчасць фільмаў.

Сёння праект указа яшчэ не прыняты, ён знаходзіцца на дапрацоўцы. Па словах Бондара, пасля завяршэння дакумент зноў абмяркуюць з кінематаграфічнай грамадскасцю краіны.

На калегіі Мінкульта на пачатку лютага міністр рэзка раскрытыкаваў "нездаровы інфармацыйны фон" вакол беларускага кіно. У прыватнасці, ён заяўляў пра "прыніжэнні" нацыянальнай кінастудыі і аб тым, што айчынны кінематограф выглядае знятай "на тры капейкі лічбавай камерай чарнухай". Прапаноўваў Бондар і змяніць методыку адбору конкурсных фільмаў на кінафестываль "Лістапад".

Стужка навiн
0