МІНСК, 5 кра — Sputnik. Тэмпературны рэкорд быў пабіты ў мінулыя суткі ў рэспубліцы: па дадзеных Белгідрамета, слупкі тэрмометраў падняліся на 1-8°C вышэй за кліматычную норму.
"Максімальная тэмпература ўчора днём вагалася ад +9°C па паўночным усходзе да +22°C па паўднёвым захадзе рэспублікі", — сказалі ў Белгідрамеце.
У Брэсце тэмпература паветра ўзнялася да +22,1 градуса цяпла.
Мінімальная тэмпература ў рэспубліцы ноччу склала ў сярэднім +5..+12°C, у паўночна-ўсходніх раёнах Беларусі яна апускалася да +1..+4°C.
Па-вясноваму цёплае надвор'е захаваецца ў Беларусі і ў бліжэйшыя дні — на поўдні краіны, па словах сіноптыкаў, дзённая тэмпература паветра складзе да +20°С.
Пацяпленне прыйшло ў рэспубліку ў пачатку гэтага тыдня з паступленнем паветраных мас з паўднёва-заходніх рэгіёнаў Еўропы. У сувязі з пачаткам сапраўднай вясны ў шэрагу раёнаў рэспублікі пачаліся пасяўныя работы.
У пятніцу 6 красавіка на тэрыторыю Беларусі перамесціцца балтыйскі фронт, які прынясе дажджы і вецер. З-за яго ў краіне крыху пахаладае — днём чакаецца ад +9°С на паўночным захадзе рэспублікі да +19°С — на паўднёвым усходзе.
Паводле інфармацыі сіноптыкаў, у суботу 7 красавіка ноччу магчымы слабыя замаразкі да —2°С. Пры гэтым днём будзе па-ранейшаму цёпла — ад +10 да +15°С, на паўднёвым захадзе Беларусі — да +17°С.
