Папраўкі ў закон аб СМІ прыняты ў першым чытанні

© PixabayГазеты, архіўнае фота
Газеты, архіўнае фота - Sputnik Беларусь
Падпісацца
Парламентарыі і Мінінфарм абяцалі ўлічыць прапановы і заўвагі пры падрыхтоўцы дакумента да другога чытання.

МІНСК, 19 кра — Sputnik. Палата прадстаўнікоў Нацыянальнага сходу Беларусі прыняла ў чацвер у першым чытанні законапраект, які прадугледжвае шэраг змяненняў у заканадаўства аб сродках масавай інфармацыі.

Праца за камп'ютарам, архіўнае фота - Sputnik Беларусь
Міністр інфармацыі расказаў пра метады ідэнтыфікацыі каментатараў

Змены закона "Аб СМІ" і шэрагу іншых нарматыўна-прававых актаў анансавалася міністэрствам інфармацыі ўжо даўно, аднак на разгляд парламентарыяў дакумент паступіў толькі ў гэтую сесію.

Прадстаўляў у парламенце законапраект асабіста кіраўнік Мінінфарма Аляксандр Карлюкевіч. Пасля яго дакладу аб асноўных зменах прайшло абмеркаванне з дэпутатамі — парламентарыяў хвалявала пытанне метадаў ідэнтыфікацыі каментароў на інтэрнэт-парталах, абароны дзяцей ад негатыўнай інфармацыі і адсутнасці рэсурсаў у рэгіянальных тэлекампаній для давядзення долі нацыянальнага кантэнту да 30%.

У выніку за прыняцце законапраекта ў першым чытанні ў аўтарскай рэдакцыі выказаліся 98 дэпутатаў, двое прагаласавалі супраць, яшчэ двое ўстрымаліся.

Адказваючы на пытанне аб магчымых карэкціроўках пасля заўваг дэпутатаў і прафесійнай супольнасці, Карлюкевіч паабяцаў, што ўсе прапановы будуць улічаныя і разгледжаны пры падрыхтоўцы законапраекта да другога чытання.

Калі парламентарыі разгледзяць змены ў заканадаўства аб СМІ ў другім чытанні, пакуль не вядома. Акрамя самога закона "Аб СМІ", мяркуюцца таксама змены ў Кодэкс аб адміністрацыйных правапарушэннях і Падатковы кодэкс — у частцы тых пытанняў, якія тычацца дзейнасці медыя.

Пасля прыняцця змены ўступяць у сілу праз пяць месяцаў. СМІ таксама дадуць паўгады "пераходнага перыяду".

Стужка навiн
0