Каб часцей выяўляць і паспяхова лячыць ракавыя захворванні яшчэ да іх крытычнага праяўлення, у Беларусі дадзены старт пілотнаму праекту па скрынінгу анкалагічных захворванняў. Такі скрынінг дазваляе пацыентам розных узростаў прайсці абследаванне на выяўленне розных відаў раку не толькі ў буйных гарадах, але і ў раённых цэнтрах, распавёў тэлеканалу "Беларусь 1" першы намеснік міністра аховы здароўя Рэспублікі Беларусь Дзмітрый Піневіч.
"Мы павінны змадэліраваць міжраённыя анкалагічныя цэнтры. Яны невялікія і будуць насіць функцыю рэсурсных цэнтраў як раз па скрынінгу — па раннім выяўленні, а ў буйных раённых цэнтрах мы зробім аддзяленні хіміятэрапіі, каб наблізіць лячэнне дадзенага захворвання да месца жыхарства", — паведаміў Піневіч.
Пацыентаў, у якіх ёсць рызыка развіцця анкалагічнага захворвання, спецыялісты вызначаюць у паліклініках па месцы жыхарства і прапануюць ім прайсці скрынінг. Па статыстыцы, кожны год у Беларусі выяўляецца амаль 50 тысяч выпадкаў анказахворванняў. Дзякуючы ранняй дыягностыцы, лічба можа павялічыцца ў разы, адпаведна, і лячэнне будзе больш паспяховым, адзначыў дырэктар РНПЦ анкалогіі і медыцынскай радыялогіі імя Аляксандрава Алег Суконка.
"На сёння мы пераарыентуем анкалогію. Яна ў нас стаіць на галаве, а мы яе перавернем на ногі. Мы ўсе грошы ўкладваем у лячэнне хворых 3-4 стадыі, а 1-2 стадыя — гэта маленькая аперацыя, як правіла, лапараскапічная", — паведаміў Суконка.
Каментары першага намесніка міністра аховы здароўя Дзмітрыя Піневіч і дырэктара РНПЦ анкалогіі і медыцынскай радыялогіі імя Аляксандрава Алега Суконкі слухайце на радыё Sputnik Беларусь.
