Юная выканаўца не змагла стрымаць слёз, калі даведалася, што праходзіць у фінал. Аднак гэта былі слёзы не толькі радасці, але і суму — Вера знервавалася, што яе сябру прайсці далей не ўдалося.
Трохі прыйшоўшы ў сябе, дзяўчынка падзялілася адчуваннямі ад выхаду ў фінал.
"Кожны праход з хваляваннем, мне здаецца, гэта такі ж праход, як і ў мінулы раз. Проста ты цяпер паднялася на прыступку вышэй і самасцвердзілася у тым, што ты не дарма працавала", — сказала Вера.
Таксама таленавітая дзяўчынка адзначыла, што будзе зацята рыхтавацца, каб добра выступіць у фінале музычнага конкурсу.
Праект "Ты супер!" праводзяць тэлеканал НТБ і Міжнароднае інфармацыйнае агенцтва і радыё Sputnik. У музычным конкурсе прымаюць удзел больш за 80 юных вакалістаў з розных куткоў Расіі, краін СНД, Балтыі, Еўропы і Блізкага Усходу.
Sputnik жадае суайчынніцы поспехаў у паўфінале вакальнага конкурсу і заклікае падтрымаць беларускую ўдзельніцу другога сезону шоў "Ты супер!". Зрабіць гэта проста — дастаткова прагаласаваць за Веру Ярошык на сайце НТБ, націснуўшы "палец уверх".
