МІНСК, 6 чэр — Sputnik. "Камунарка" прэзентавала новую лінейку горкага шакаладу "Прэзідэнт" на міжнароднай спецыялізаванай выставе "Белагра 2018".
Наведвальнікам форуму прадставілі тры віды новай лінейкі шакаладу з розным утрыманнем какавы — 72%, 78% і 85%.
"Тут задзейнічаны какава-бабы, какава-лікёры лацінаамерыканскія. Па-першае, у іх іншы смак, яны выраслі на застылых лавах пасля вывяржэння вулкана пад пякучым экватарыяльным лацінаамерыканскім сонцам. Таму там некалькі іншы мінеральны склад, некалькі іншы, больш насычаны кветкавы водар", — распавёў дырэктар СААТ "Камунарка" Іван Данчанка ў эфіры тэлеканала "Беларусь 1".
Характэрна, што шакалад "Прэзідэнт" не ўтрымлівае цукру. Замест яго выкарыстоўвалі лакцітол, які атрымліваецца пры перапрацоўцы малочнай сыроваткі і падсаладзіцель расліннага паходжання — інулін. У продажы новая прэміяльная лінейка шакаладу з'явіцца ў бліжэйшы час і будзе даступная кожнаму пакупніку.
Упершыню аб шакаладзе, вырабленым з улікам уласных пажаданняў, прэзідэнт Беларусі Аляксандр Лукашэнка аб'явіў у лютым 2017 года ў ходзе "Вялікай размовы" з журналістамі. Праз некаторы час шакалад з'явіўся ў беларускіх крамах.
