МІНСК, 23 чэр — Sputnik. Склад загадчыкаў кафедрамі галоўнай ВНУ краіны за год змянілі на 20%, такую інфармацыю агучыў рэктар БДУ Андрэй Кароль на прафесарскім сходзе ВНУ.
Рэктар галоўнай ВНУ краіны распавёў аб стратэгіі і прыярытэтах развіцця Белдзяржуніверсітэта. Тут павышаюць якасць адукацыі, ужываюць кадравую палітыку з апорай на рэальныя дасягненні, імкнуцца больш эфектыўна ўкараняць вынікі навуковых даследаванняў.
"У БДУ распрацаваны і з 2018 года рэалізуецца праект Стратэгіі развіцця кадравага патэнцыялу. Напрыклад, ужо на 20% абноўлены склад загадчыкаў кафедрамі, сярэдні ўзрост якіх складае 44 гады, скарочана 20 ставак кіруючых работнікаў комплексу БДУ", — паведамілі ў прэс-службе ВНУ.
Не так даўно ў БДУ былі аб'яднаны два структурныя падраздзяленні — ІМБТ і ДІКСТ — у Інстытут бізнесу. Таксама быў рэструктурызаваны Інстытут журналістыкі.
Таксама нядаўна ў ВНУ пачаў рэалізоўвацца механізм рэйтынгавай сістэмы аплаты працы, новая форма ўзаемадзеяння факультэтаў і інстытутаў з кіраўніцтвам БДУ.
"Акрамя таго, былі пазначаныя праблемныя палі па рэалізацыі стратэгічных задач і іх магчымыя перспектывы. Робяцца намаганні па правядзенні капітальнага рамонту Галоўнага корпуса БДУ", — дадалі ў ВНУ.
