Рыцарскі турнір і open-air: што сёлета пакажа "Наш Грунвальд"

© Photo : ВКонтакте / Дмитрий СочивкоНаш Грунвальд - 2017, архіўнае фота
Наш Грунвальд - 2017, архіўнае фота - Sputnik Беларусь
Падпісацца
Міжнародны фестываль сярэднявечнай культуры і музыкі ў гэтым годзе пройдзе ў дзесяты раз.

МІНСК, 29 чэр — Sputnik. Свята рыцарства "Наш Грунвальд" пройдзе ў музейным комплексе "Дудуткі" 21-22 ліпеня, паведамілі Sputnik арганізатары мерапрыемства.

Наш Грунвальд-2017 - Sputnik Беларусь
Фота
"Наш Грунвальд-2017": сапраўдныя бітвы, шчырыя эмоцыі

У гэтым годзе свята культуры і музыкі святкуе юбілей — яно пройдзе ў дзесяты раз. Галоўнай падзеяй фестывалю традыцыйна будзе рэканструкцыя адной з самых маштабных ваенных падзей сярэднявечнай Еўропы — Грунвальдскай бітвы. У аднаўленні паўдзельнічаюць члены клубаў ваенна-гістарычнай рэканструкцыі з Беларусі, Украіны, Польшчы, Расіі і краін Прыбалтыкі.

У другі дзень на фестывалі ўпершыню ў Беларусі пройдзе поўнакантактны конны рыцарскі турнір па правілах XV стагоддзя. Галоўная задача падчас паядынку — выбіць праціўніка з сядла ударам доўгай дзіды ці пераламаць дзіду аб яго шчыт. Падобныя сутычкі праходзяць усяго ў некалькіх краінах свету.

Госці свята, далёкія ад бітваў, таксама змогуць знайсці для сябе цікавы занятак. На працягу двух дзён пройдуць майстар-класы па сярэднявечных танцах і рамёствах, будуць працаваць інтэрактыўныя пляцоўкі і горад майстроў. Наведвальнікі змогуць навучыцца страляць з лука і арбалета, каваць даспехі і зброю, вырабляць ювелірныя ўпрыгажэнні і апрацоўваць камень. Для аматараў паказытаць нервы будзе працаваць сярэднявечная катавальня.

На канцэртнай пляцоўцы традыцыйна пройдзе "фестываль у фестывалі" — музычны open-air "Баль пасля Бітвы". У гэтым годзе тут выступяць беларускія гурты "Стары Ольса", "Folcore" і "Aillion", госці з Расіі "Мельница" і "Эпидемия", ірландцы "Cruachan" і немцы "Wizard".

Фестываль арганізуе Экстрым-тэатр "Берсерк" пры падтрымцы музейнага комплексу "Дудуткі".

Стужка навiн
0