МІНСК, 18 ліп — Sputnik. Больш за 220 тысяч пасажыраў скарысталіся паслугай бесправаднога доступу ў інтэрнэт на чыгуначных вакзалах Беларусі, паведамілі ў прэс-службе Беларускай чыгункі.
Бясплатны бесправадны інтэрнэт стаў даступны на чыгуначных вакзалах рэспублікі ў ліпені 2017 года.
Паводле інфармацыі БЧ, за год пасажыры ажыццявілі больш за 518 тысяч падключэнняў. Па статыстыцы, у сярэднім карыстальнік праводзіў у сетцы 48 хвілін. Агульны аб'ём спажытага трафіку за год склаў больш за 120 тэрабайт.
У пяцёрку вакзалаў, на якіх пасажыры найбольш актыўна карысталіся бесправадным інтэрнэтам, уваходзяць Мінск, Брэст, Гомель, Орша і Жлобін. Бясплатны Wi-Fi у цяперашні час таксама прадастаўляецца на вакзалах Баранавічаў, Віцебска, Гродна, Магілёва, Бабруйска, Барысава, Калінкавічаў, Крычава, Ліды, Лунінца, Маладзечна, Оршы, Асіповіч, Полацка і Пінска.
Падлучыцца да бясплатнага Wi-Fi можна ў залах чакання і холах вакзалаў, а таксама ў пакоях адпачынку ў Мінску і Брэсце. Бясплатны Wi-Fi у 2017 годзе таксама з'явіўся ў Нацыянальным аэрапорце Мінск.
