Радыё

Мельнікаў: Беларусь у Першай сусветнай, або Трагедыя выпаленай зямлі

© Sputnik / Виктор ТолочкоКандыдат гістарычных навук, спецыяліст па ваеннай гісторыі Ігар Мельнікаў
Кандыдат гістарычных навук, спецыяліст па ваеннай гісторыі Ігар Мельнікаў - Sputnik Беларусь
У дзень пачатку Першай сусветнай вайны кандыдат гістарычных навук, спецыяліст па ваеннай гісторыі Ігар Мельнікаў распавёў радыё Sputnik Беларусь аб малавядомых ваенных падзеях, якія адбываліся на тэрыторыі сучаснай Беларусі.
Мельников: Беларусь в Первой мировой ― трагедия выжженной земли

Першая сусветная вайна стала адным з самых сур'ёзных ваенных канфліктаў у гісторыі чалавецтва як па колькасці краін-удзельніц, так і па ліку ахвяр. Невыпадкова ў Еўропе гэтую вайну да гэтага часу называюць Вялікай, адзначыў у гутарцы на радыё Sputnik Беларусь ваенны гісторык Ігар Мельнікаў.

Вядома, што Расійская Імперыя ўступіла ў вайну 1 жніўня 1914 года, і тэрыторыя цяперашняй Беларусі, што была ў тыя часы Паўночна-заходнім краем, да 1915 года заставалася ў тыле, аднак праз год сітуацыя змянілася.

"У 1915 годзе фронт прыйшоў у Беларусь, і гэта стала вялікай бядой, паколькі ў кантэксце Першай сусветнай вайны ў першую чаргу важна памятаць пра "трагедыі выпаленай зямлі", калі па рашэнні не пакідаць нямецкім і аўстра-венгерскім войскам наогул нічога, не толькі знішчаліся склады і нейкія вайсковыя запасы, але таксама падпальваліся вёскі, а іх жыхары вымушаныя былі сыходзіць на ўсход", — распавёў Мельнікаў.

Раёнам найбольш жорсткага супрацьстаяння войскаў стала Смаргонь, дзе адбываліся самыя кровапралітныя бітвы. У 1915 годзе фронт зафіксаваўся паблізу Баранавічаў і, падзяліўшы Беларусь на тры гады, па сутнасці, стаў прадвеснікам "Рыжскай" мяжы 1921 года паміж бальшавікамі і Польшчай. Пасля гэтая лінія акопаў доўгі час уплывала на лёс і будучыню Беларусі, распавёў гісторык.

Поўную версію размовы з ваенным гісторыкам Ігарам Мельнікавым слухайце на радыё Sputnik Беларусь.

Стужка навiн
0
Спачатку новыяСпачатку старыя
loader
У эфіры
Заголовок открываемого материала