МІНСК, 8 жні — Sputnik. Прэзідэнт Беларусі павіншаваў людзей занятых у будаўнічай галіне з надыходзячым прафесійным святам — Днём будаўніка, паведамілі ў прэс-службе кіраўніка дзяржавы.
Паводле слоў Лукашэнкі, гісторыя беларускага будаўнічага комплексу змяшчае мноства прыкладаў працы, якія не могуць не выклікаць гонар і захапленне. Будаўнікі ў сваю чаргу карыстаюцца павагай у краіне, што цалкам заслужана.
"Шмат у чым дзякуючы іх таленту і намаганням змяняецца аблічча нашай Беларусі, узводзяцца камфортныя мікрараёны, утульныя дзіцячыя сады і школы, сучасныя спартыўныя арэны", — адзначыў беларускі лідар.
Пры гэтым людзі, якія працуюць у будаўнічай сферы, робяць свой унёсак у развіццё айчыннай эканомікі і пашыраюць пералік краін, куды экспартуюць свае паслугі.
Віншуючы будаўнікоў, прэзідэнт выказаў упэўненасць, што беларускія помнікі архітэктуры будуць іх і далей натхняць на ажыццяўленне новых праектаў, а іх рэалізацыя будзе ўзорам для наступных пакаленняў будаўнікоў.
