Штармавое папярэджанне на 11 жніўня абвясцілі з-за ветру і навальніц

© Sputnik / Кирилл Каллиников / Перайсці ў медыябанкМінакі ідуць па вуліцы падчас моцнага дажджу
Мінакі ідуць па вуліцы падчас моцнага дажджу - Sputnik Беларусь
Падпісацца
У заходняй частцы Беларусі магчымыя моцныя ліўні, падчас навальніц чакаецца шквалістае ўзмацненне ветру парывамі да 15-20 метраў у секунду.

МІНСК, 10 жні — Sputnik. Аранжавы ўзровень небяспекі аб'яўлены ў заходняй частцы Беларусі на суботу, 11 жніўня, пра гэта паведамілі ў пятніцу ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Кроплі дажджу на траве - Sputnik Беларусь
Хутка пасвяжэе: сіноптыкі распавялі пра надвор'е ў выхадныя

Па дадзеных сіноптыкаў, 11 жніўня чакаецца пераменная воблачнасць. У заходніх раёнах Беларусі пройдуць кароткачасовыя дажджы, навальніцы, месцамі моцныя ліўні. Пры навальніцах парывы ветру будуць дасягаць 14 метраў за секунду, чакаецца таксама шквалістае ўзмацненне ветру парывамі да 15-20 метраў у секунду. Уначы з пятніцы на суботу і раніцай верагоднасць навальніцы складае 80-90%.

Тэмпература паветра ў рэспубліцы ўначы і раніцай будзе вар'іравацца ад + 11°С да + 20°С, у дзённыя гадзіны слупок тэрмометра пакажа да +25.. + 30°С, па захадзе рэспублікі ад +19 да + 24°С.

У Мінску ў суботу будзе пераменная воблачнасць, удзень без ападкаў, увечары магчымы невялікі дождж і навальніца. Уначы і раніцай мінімальная тэмпература складзе +17.. + 19°С, удзень паветра прагрэецца да +26.. + 28 градусаў вышэй за нуль.

Стужка навiн
0