МІНСК, 20 жні — Sputnik. Прыгожа, але прагматычна будуць будаваць у беларускіх гарадах пры новым міністры будаўніцтва і архітэктуры Дзмітрыі Мікулёнку. У панядзелак яго прадставілі калектыву міністэрства.
"Усё павінна быць прыгожа, але прагматычна. Неабходна, каб будынкі не толькі мелі прывабны знешні выгляд, але і былі функцыянальна прыдатныя для эксплуатацыі на працягу ўсяго перыяду", — цытуе адказ Мікулёнка на пытанне аб развіцці архітэктуры ў Беларусі БелТА.
Найважнейшай жа задачай міністэрства новы кіраўнік назваў забеспячэнне стабільнай і бясстратнай работы будаўнічых арганізацый, а таксама прадпрыемстваў, якія задзейнічаны ў будаўнічым комплексе. Ён лічыць важным захаваць калектывы, або, калі ёсць неабходнасць, пераарыентаваць іх.
Новы міністр заявіў, што даведзеныя аб'ёмы будаўніцтва павінны быць выкананы.
У міністра спыталі, як яму бачыцца вырашэнне праблемы з адтокам будаўнічых кадраў. На думку Мікулёнкі, каб вярнуць спецыялістаў, неабходныя наяўнасць працоўных месцаў, адпаведная аплата працы, а таксама стварэнне больш высокакваліфікаваных працоўных месцаў.
"Гэта значыць, у цэлым мадэрнізацыя галіны", — рэзюмаваў міністр.
Мікулёнак, які ўзначальваў да нядаўняга часу УП "УКБ Мінгарвыканкама", змяніў на пасадзе міністра адпраўленага ў адстаўку ў тым ліку за неадрамантаваны дах на Аршанскім інструментальным заводзе Анатоля Чорнага.
