МІНСК, 19 вер — Sputnik. Да канца працоўнага тыдня ў Беларусі захаваецца цёплае і сухое надвор'е, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"19 верасня надвор'е ў Беларусі будзе вызначаць вобласць павышанага атмасфернага ціску, сфарміраваная ў цёплай паветранай масе", — паведамілі ў Белгідрамеце.
У сераду будзе пераменная воблачнасць, але ападкаў не чакаюць. Тэмпература ў другой палове дня падымецца да +21.. + 27°С. Атмасферны ціск істотна не зменіцца.
"20-21 верасня надвор'е ў нашай краіне абумовяць вобласць павышанага атмасфернага ціску і цёплыя паветраныя масы, якія распаўсюджваюцца з паўднёва-заходняй Еўропы", — распавялі сіноптыкі.
У чацвер і пятніцу таксама будзе часамі воблачна, але суха. У начныя і ранішнія гадзіны ў некаторых раёнах рэспублікі можа назірацца слабы туман. Начныя тэмпературы набліжаюцца да восеньскіх: сярэдні паказчык складзе +9.. + 15°С, але месцамі паветра астыне да +5.. + 8°С. У дзённыя гадзіны будзе па-летняму цёпла: паветра прагрэецца ў сярэднім да +22.. + 28°С.
Выхадныя, па папярэдніх дадзеных, будуць дажджлівымі. У суботу, 22 верасня, на другую палову дня прагназуецца малавоблачна, удзень магчымы дождж і нават навальніца, а тэмпература дасягне +18.. + 20°С. У нядзелю, 23 верасня, беларусаў чакае пахаладанне: +13.. + 15°С у дзённыя гадзіны, таксама могуць прайсці дажджы.
