МІНСК, 22 кас - Sputnik. Пагаршэнне надвор'я чакаецца ў Беларусі на наступным тыдні - месцамі нават пройдзе першы снег, сведчаць звесткі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Бабіна лета скончылася ў Беларусі ў апошняй дэкадзе кастрычніка: да гэтага ў краіне былі пабіты шматгадовыя тэмпературныя рэкорды: месцамі паветра ўдзень прагравалася да + 20°С.
Паводле інфармацыі Гідрамета, ужо ў аўторак, 23 кастрычніка, надвор'е ў краіне кардынальна зменіцца - пахаладае да + 5..7°С і пойдуць дажджы.
Пры гэтым згодна з доўгатэрміновымі прагнозамі, у чацвер, 25 кастрычніка, ужо магчымы мокры снег.
Вероятности мокрого снега 24-25 окт. весьма высока. прогнозы GFS и UKMET по Минску. pic.twitter.com/OE39p5vPPQ
— Блізкі космас. (@nadvorie) 21 октября 2018 г.
Як раней распавялі ў Гідрамеце, пахаладанне ў рэспубліку прынеслі паветраныя масы са Скандынавіі - разам з імі прыйшоў атмасферны фронт, які будзе вызначаць надвор'е ў краіне ў бліжэйшы тыдзень.
