"Чэлсі" правядзе трэніроўку на "Дынама" перад матчам з БАТЭ

© REUTERS / DAVID KLEINФутбалісты "Чэлсі"
Футбалісты Чэлсі - Sputnik Беларусь
Падпісацца
Лонданцы прыляцяць у Мінск за дзень да гульні на "Барысаў-Арэне" і паселяцца ў сталічным гатэлі Marriott.

МІНСК, 5 ліс - Sputnik. Лонданскі футбольны клуб "Чэлсі" правядзе адкрытую трэніроўку на мінскім стадыёне "Дынама" перад матчам Лігі Еўропы супраць БАТЭ, паведамілі ў прэс-службе барысаўскай каманды.

БАТЭ ў 15-ы раз выйграў чэмпіянат Беларусі па футболе - Sputnik Беларусь
БАТЭ ў 15-ы раз выйграў чэмпіянат Беларусі па футболе

У чацвер, 8 лістапада, "Барысаў-Арэна" прыме паядынак чацвёртага тура групавога раўнду Лігі Еўропы УЕФА БАТЭ - "Чэлсі". Стартавы свісток прагучыць а 20:55 (па мінскім часе).

Футбалісты "Чэлсі" прыляцяць у Мінск за дзень да матчу. На стадыёне "Дынама" лонданцы правядуць адкрытую трэніроўку для прадстаўнікоў СМІ, пачатак занятка ў 18:30. А перад гэтым галоўны трэнер каманды Маўрыцыа Сарра дасць прэс-канферэнцыю.

Барысаўчане правядуць перадматчавую трэніроўку на клубнай базе ў Дудзінцы ў 16:00. Да гэтага, у 13:30, настаўнік БАТЭ Аляксей Бага пагаворыць з журналістамі.

Першую сустрэчу каманды правялі два тыдні таму ў Лондане, тады "сінія" адолелі гасцей з лікам 3:1. Хет-трыкам адзначыўся Рубен Лофтус-Чык, у барысаўчан гол на свой рахунак запісаў Аляксей Рыас.

Нагадаем, пасля трох тураў "жоўта-сінія" размяшчаюцца на апошнім месцы ў групе L. "Чэлсі" займае першае месца, другое - у грэцкага ПАОК, трэцяе - у венгерскага "Відзі".

Стужка навiн
0