Стане танней: тарыф на анлайн-куплю квіткоў на цягнікі хочуць адмяніць

© SputnikЦягнік Беларускай чыгункі
Цягнік Беларускай чыгункі - Sputnik Беларусь
Падпісацца
Зараз заказ у інтэрнэце абыходзіцца на 13 капеек даражэй, чым у касе, у выніку зменаў аформіць квіток анлайн будзе танней.

МІНСК, 9 ліс - Sputnik. Тарыф на куплю чыгуначных квіткоў праз інтэрнэт прапануюць адмяніць у Беларусі, праект адпаведнай пастановы апублікаваны на сайце Міністэрства антыманапольнага рэгулявання і гандлю.

Праект пастановы Саўміна Беларусі "Аб унясенні змяненняў і дапаўненняў у пастанову Савета Міністраў Рэспублікі Беларусь ад 14 лютага 2014 г. №130" вынесены на грамадскае абмеркаванне да 19 лістапада.

З дакумента вынікае, што камісія за афармленне квіткоў на цягнікі анлайн можа быць адменена.

"Гэтая ініцыятыва зыходзіць ад Беларускай чыгункі. Цяпер тарыф за афармленне праязных дакументаў складае 11 капеек, а за заказ праз інтэрнэт - 24 капейкі, у выніку змяненняў аформіць квіток анлайн будзе танней, чым у касе", - паведамілі Sputnik у прэс-службе БЧ .

Мяркуецца, што новаўвядзенне стане стымуляваць электронны продаж квіткоў на цягнікі.

У МАРГ адзначылі таксама, што палажэнні праекта не акажуць негатыўнага ўплыву на рост коштаў і інфляцыйныя чаканні, затое дазволяць "забяспечыць больш эфектыўнае рэгуляванне адносін паміж тэрміналамі і аўтамабільнымі перавозчыкамі шляхам ўстанаўлення роўных падыходаў да цэнаўтварэння на паслугі".

Стужка навiн
0