Радыё

Авярбух: у лядовым шоу "Шчаўкунчык" мы адышлі ад класічнай версіі

© Sputnik / Виктор ТолочкоРасійскі фігурыст Ілля Авярбух
Расійскі фігурыст Ілля Авярбух - Sputnik Беларусь
Падпісацца
Знакаміты расійскі фігурыст і пастаноўшчык лядовых шоу Ілья Авярбух вязе ў Мінск "некласічную" казку Гофмана "Шчаўкунчык і мышыны кароль", публіку чакае сустрэча з зоркамі фігурнага катання Таццянай Тацьмянінай, Максімам Марыніным і Аляксеем Ягудзіным.
Авербух: в ледовом шоу "Щелкунчик" мы отошли от классической версии

Праз месяц - 15 снежня - Мінск чакае вялікая прэм'ера. У пераднавагоднія дні Ілья Авярбух прадставіць публіцы аўтарскае лядовае шоу ''Шчаўкунчык і мышыны кароль''. Знакаміты савецкі і расійскі фігурыст, прызёр Алімпійскіх гульняў, чэмпіён свету і Еўропы, рэжысёр, харэограф і прадзюсар лядовых праектаў стаў госцем прэс-цэнтра Sputnik Беларусь і падчас відэа-моста распавёў пра некаторыя сюрпрызы будучага шоу.

"Казка Гофмана вельмі філасофская і досыць глыбокая. У пагоні за брэндам "Шчаўкунчык" многія робяць гісторыю вельмі павярхоўнай, але мне хацелася адысці ад гэтага класічнага ўспрымання", - распавядае Авярбух.

Як прызнаецца фігурыст, у сваім лядовым шоу ён пастараўся расказаць публіцы сапраўдную казку Амадэя Гофмана, якая істотна адрозніваецца ад звыклых тэатральных пастановак.

"Як правіла ў пастаноўках часцей за ўсё бяруць другую частку казкі, калі Шчаўкунчык ужо стаіць на паліцы ў Мары, прыходзіць сон, пацукі, і пачынаецца ўся гісторыя. Але ўсё прапускаюць першую частку казкі, у якой Гофман распавядае, як Шчаўкунчык з юнака ператварыўся ў Шчаўкунчыка. І ў нас у першым акце ідзе менавіта гэты аповяд. Так глядач даведаецца нават болей, і казка становіцца больш драматычнай", - кажа Авярбух.

Ролі Шчаўкунчыка і Мары ў лядовай пастаноўцы бліскуча выконваюць вядомыя расійскія фігурысты, алімпійскія чэмпіёны ў парным катанні Максім Марынін і Таццяна Тацьмяніна. У ролі мышынага караля гледачы ўбачаць яшчэ адну зорку расійскага фігурнага катання - Аляксея Ягудзіна, які па словах Іллі Авярбуха, "проста купаецца ў сваёй ролі".

"Гэта не толькі вялікая акцёрская праца, але і вялікі фізічная праца. Напрыклад, у другім акце Максіму Марыніну даводзіцца катацца ў велізарнай масцы, і трэба аддаць належнае - Максім заўсёды выкладваецца і ні разу не сказаў мне: "Давай мы гэтую маску неяк палегчым і зробім штосьці прасцейшае"... і пры ўсім - гэта выкананне самых складаных скачкоў і кручэнняў", - распавядае Авярбух.

Эфектным фіналам лядовай пастаноўкі становіцца дуэль паміж Шчаўкунком і мышыным каралём, вынік якой усім добра вядомы па казцы, але гледачы кожнага разу гэтаму дзейства вельмі суперажываюць і шчыра радуюцца, дадае фігурыст.

Фрагмент гутаркі са знакамітым фігурыстам і пастаноўшчыкам лядовых шоу Іллёй Авярбухам слухайце на радыё Sputnik Беларусь.

Стужка навiн
0