Лукашэнка - Даніэлю Ястрэмскаму: калі пераможаш, я табе дарую

© Sputnik / Виктор Толочко / Перайсці ў медыябанкДаніэль Ястрэмскі
Даніэль Ястрэмскі - Sputnik Беларусь
Падпісацца
Паводле слоў прэзідэнта, Беларусь, як краіна-гаспадыня дзіцячага "Еўрабачання", выйграць у конкурсе не можа.

МІНСК, 20 ліс - Sputnik. Прэзідэнт Беларусі Аляксандр Лукашэнка пажартаваў у гутарцы з прадстаўніком рэспублікі на дзіцячым "Еўрабачанні" - заявіў, што гатовы яму дараваць у выпадку перамогі.

Сцэна дзіцячага Еўрабачання на Мінск-Арэне - Sputnik Беларусь
Цырымонія адкрыцця дзіцячага "Еўрабачання" стартавала ў Мінску

Удзельнікі дзіцячага конкурсу песні "Еўрабачанне-2018" у аўторак наведалі сталічны Палац Незалежнасці і пагутарылі з беларускім лідарам. Асобнай гутаркай з прэзідэнтам ганараваўся прадстаўнік Беларусі на конкурсе - малады спявак Даніэль Ястрэмскі.

Ястрэмскі распавёў прэзідэнту аб тым, што мае намер зрабіць усё, каб годна прадставіць Беларусь на конкурсе.

"Калі ты прайграеш нашаму таварышу з Арменіі, расіяніну ці яшчэ камусьці, страшна не будзе, таму што мы ж гаспадары. Мы не можам, як гаспадары, выйграць. Але калі выйграем, я табе дарую", - пажартаваў прэзідэнт у адказ.

Удзельнікі конкурсу спыталі ў прэзідэнта, ці зможа ён сам прыйсці на конкурс. Лукашэнка запэўніў рабят: нават калі не атрымаецца прыйсці, ён усё роўна ўбачыць шоу.

Пасля размовы юныя артысты выканалі для прэзідэнта ўрывак з песні конкурсу гэтага года LightUp! і ўручылі Лукашэнку падарунак - сімвалічны аналаг галоўнага прыза дзіцячага "Еўрабачання": мікрафон з празрыстага шкла з каляровымі лініямі.

Прэзідэнт падарыў гасцям Палаца Незалежнасці кнігі пра Беларусь і шакалад.

Стужка навiн
0