Зіма блізка: якім будзе надвор'е ў Беларусі ў бліжэйшыя дні

© Sputnik / Виктор ТолочкоЗіма блізка: якім будзе надвор'е ў Беларусі ў бліжэйшыя дні
Зіма блізка: якім будзе надвор'е ў Беларусі ў бліжэйшыя дні - Sputnik Беларусь
Падпісацца
У аўторак невялікі снег пройдзе толькі па паўночным усходзе краіны, у сераду і чацвер з тэрыторыі Літвы прыйдзе халодны антыцыклон, месцамі слупок тэрмометра апусціцца да -18°С.

МІНСК, 26 ліс - Sputnik. Халоднае і амаль без ападкаў надвор'е чакаецца ў Беларусі 27-30 лістапада, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Па прагнозах сіноптыкаў, у аўторак, 27 лістапада, на большай частцы краіны будзе воблачна з праясненнямі. Невялікі снег магчымы толькі па паўночным усходзе краіны. У начныя і ранішнія гадзіны магчымы слабы туман, на дарогах галалёдзіца. Уначы слупок тэрмометра пакажа -3..-9°С, пры праясненнях -10..-12°С, днём паветра прагрэецца да 0..-6°С.

У Беларусь 28-29 лістапада з тэрыторыі Літвы прыйдзе халодны антыцыклон. Ён прынясе пахаладанне і адсутнасць ападкаў. У сераду на асобных участках дарог краіны чакаецца галалёдзіца. У начны час тэмпература паветра складзе -5..-11°С, пры праясненнях будзе да -14°С. У дзённыя гадзіны будзе -1..-7°С.

У чацвер ападкаў не чакаецца, магчыма галалёдзіца. Тэмпература паветра ўначы апусціцца да -8..-15°С, месцамі да -18°С, днём слупок тэрмометра пакажа -2..-9°С.

У пятніцу, 30 лістапада, на большай частцы рэспублікі будзе пераменная воблачнасць. У начныя гадзіны слупок тэрмометра пакажа ад -12..-14°С па ўсходзе Беларусі да -6..-8°С у заходняй частцы краіны. Днём максімальная тэмпература паветра складзе -4..-6°С, месцамі будзе да -8..-10°С.

Стужка навiн
0