"Ён жа загіне": жыхары вёскі пад Полацкім турбуюцца пра лёс бусла

© Sputnik / Виктор ТолочкоБусел, архіўнае фота
Бусел, архіўнае фота - Sputnik Беларусь
Падпісацца
Каб дапамагчы птушцы перажыць халады, неабыякавыя людзі прыходзяць сюды па некалькі разоў на дзень: збудавалі для яе гняздо, прыносяць пачастункі.

МІНСК, 13 сту - Sputnik. Магчымай гібеллю бусла ад халадоў занепакоіліся ў вёсцы Фарынава пад Полацкам, распавялі ў эфіры тэлеканала АНТ.

Ксёндз Юрый і бусел - Sputnik Беларусь
Фота
"Божая птушка" – бусел Фомка тры гады жыве ў святара на Браслаўшчыне

Па словах мясцовых жыхароў, бусел прыляцеў у пасёлак яшчэ ў снежні, і да гэтага часу вяскоўцы пастаянна назіраюць яго на мясцовым поле. Каб дапамагчы птушцы перажыць халады, неабыякавыя прыходзяць сюды па некалькі разоў на дзень: збудавалі для яе гняздо, прыносяць пачастункі.

Людзей да сябе бусел блізка не падпускае. Па словах арнітолагаў, падобны выпадак - радавы: птушка справіцца з маразамі, калі будзе чым пракарміцца.

"Гэта не вераб'і, не галубы. Буслы не тыя птушкі, якія актыўна ідуць, скажам, на кантакт да людзей. Каб выжыць, яны не павінны ўжо так моцна давяраць людзям", - лічыць дацэнт кафедры анатоміі і фізіялогіі Віцебскага дзяржаўнага універсітэта імя Пятра Машэрава Галіна Захарава.

Паводзіны бусла, убачыўшы яго палёт, эксперт ацаніла як "здаровыя і правільныя".

"Арнітолагі нас вучаць, што не трэба ўмешвацца ў жыццё дзікай прыроды, не трэба адбіраць з прыроднага асяроддзя здаровую птушку", - адзначыў начальнік Наваполацкай гаррайінспекцыі прыродных рэсурсаў і аховы навакольнага асяроддзя Уладзімір Куксёнак.

Паведамляецца, што выпадак у пасёлку Фарынава - не адзіны: па меншай меры дзясятак буслоў зімуе ў гэтым годзе ў Полацкім раёне.

Стужка навiн
0