МІНСК, 5 лют - Sputnik. Мінскі хакейны клуб "Дынама" прайграў хатні матч маскоўскаму ЦСКА ў рамках КХЛ, паведамляе карэспандэнт Sputnik.
Гульня ў рамках бягучага чэмпіянату Кантынентальнай хакейнай лігі адбылася ў панядзелак 4 лютага на лёдзе "Мінск-Арэны".
Першую шайбу ў гульні на 31-й хвіліне ў большасці забілі масквічы: Юнас Энрот не змог адбіць кідок Канстанціна Акулава. Праз дзве хвіліны яшчэ адзін гол здолеў правесці Янік Хансэн. На 57-й хвіліне кропку ў гульні паставіў Максім Шалуноў.
Да канца матчу мінчане не здолелі закінуць у вароты ЦСКА ніводнай шайбы, і лік на табло не змяніўся - 0:3.
Наступны матч у КХЛ "Дынама" таксама правядзе на хатнім лёдзе - 11 лютага супраць яраслаўскага "Лакаматыва".
Усе наступныя матчы для "Дынама" не маюць ніякага значэння: шанец выйсці ў плэй-оф Кубка Гагарына мінская каманда страціла 31 студзеня пасля пройгрышу "Адміралу".
